Gujarati News

Gujarati News

News of Tuesday, 20th October 2020

સોમનાથમાં રાષ્ટ્રીય પોલીસ સંભારણા દિનની ઉજવણી થશે

વીરગતિને પામેલા શહીદોને શ્રદ્ધાંજલિ અપાશે : પોલીસ જવાનોના બલીદાનની સ્મૃતીમાં ૨૧ ઓક્ટોબરનો દિવસ દેશમાં પોલીસ સંભારણા દિન તરીકે ઉજવાય છે

સોમનાથ,તા.૨૦ : બહાદુર પોલીસ જવાનોના બલીદાનની સ્મૃતીમાં ૨૧ ઓક્ટોબરનો દિવસ સમગ્ર દેશમાં પોલીસ સંભારણા દિવસ તરીકે ઉજવાય છે. ગીર સોમનાથ જિલ્લાના પોલીસના તમામ પોલીસ સ્ટેશનો જીલ્લા એમ.ટી.મેદાન ખાતે સવારના .૩૦ વાગ્યે ખાસ શ્રદ્ધાંજલી પરેડનું આયોજન કરેલ છે. જેમાં સપ્ટેમ્બર ૨૦૧૯થી ૩૧ ઓગસ્ટ ૨૦૨૦ આમ સમગ્ર એક વર્ષ દરમીયાન જે પોલીસ અધિકારીઓ, કર્મચારીઓ, જવાનો પોતાના જીવનની પરવાહ કર્યાં વગર શહીદ થયાં હોય તેમજ ફરજને કારણે હિંસક બનાવો, ધરતીકંપ, હોનારત જેવાં કારણોસર ફરજ બજાવતાં મૃત્યું થયું હોય તેમની યાદ રૂપે પોલીસ સંભારણા દિવસ મનાવવામાં આવશે. જીલ્લા વડા મથકે જીલ્લા પોલીસ વડા રાહુલ ત્રિપાઠી નાયાબ પોલીસ અધિક્ષક એમ.એમ.પરમાર, તમામ પોલીસ સ્ટેશનનાં પોલીસ ઇન્સ્પેક્ટરો, પોલીસ સબ ઇન્સપેક્ટરો, જીલ્લાની એસઓજી બ્રાન્ચના તથા એલસી બ્રાન્ચના અધિકારીઓ જવાનો કાર્યક્રમમાં ઉપસ્થિત રહેશે.

 અધિકારી તરફથી સમગ્ર દેશ માટે નિયત સ્પિચનું વાંચન કરવામાં આવશે કે આજ કે દિન ભારત કે જીન પોલીસ ભાઇઓને અપને પ્રાણ સેવામેં અર્પણ કીયે ઉનકી યાદમેં શોક પ્રગટ કરતાં હું ઔર જીન પોલીસ ભાઇઓને ૨૦૨૦મેં બલીદાન દીયા હૈ, ઉનકે નામ મૈં આપકે સામને પઠકર સુનાતા હું.અને પરેડ સ્થળે ખાસ ઉભું કરાયેલ પ્રતિક શહીદ સ્મારક ઉપર સૌ પુષ્પાંજલી અર્પી જનરલ સેલ્યુટ શસ્ત્ર સલામી અને પોલીસ જવાનો બેન્ડ સાથે બ્યુગલ લાસ્ટ પોસ્ટ ઉંધી રાયફલ સાથે શોક સાથે શ્રદ્ધાંજલી આપશે.

(8:43 pm IST)
  • દેશમાં કોરોના કેસનો આંકડો 76 લાખને પાર પહોંચ્યો : છેલ્લા કેટલાય દિવસોથી નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 53,560 કેસ નોંધાયા : કુલ કેસનો આંકડો 76,48,258 થયો :એક્ટીવ કેસ ઘટીને 7,39,895 થયા : વધુ 60,571 દર્દીઓ સ્વસ્થ થતા કુલ 67,91,188 રિકવર થયા : વધુ 703 લોકોના મોત સાથે કુલ મૃત્યુઆંક 1,15,939 થયો access_time 12:49 am IST

  • અન્યાય સામે ઝુકીશ નહી, રાજીનામું આપી દઈશ અમરીન્દરસિંહ: અન્યાય સામે ઝૂકવાને બદલે રાજીનામું આપી દેવાનું વધુ પસંદ કરીશ: પંજાબના મુખ્યમંત્રી કેપ્ટન અમરિંદર સિંહે કૃષિ કાયદાઓ ઉપર બોલતાં જણાવ્યું હતું. access_time 12:58 am IST

  • દિલ્હીમાં ઝેરી હવાના પ્રદુષણ માટે ગેરકાયદે વસી ગયેલી વસાહતો જવાબદાર : આ વસાહતોમાં કાચા અને ધુળીયા રસ્તાઓ ઉપરથી પસાર થતા વાહનો પ્રદુષણ ફેલાવતા હોવાનો સર્વે : પાટનગરમાં 30 ટકા કોલોનીઓ જ સરકાર માન્ય : 70 ટકા જેટલી કોલોનીઓ ગેરકાયદે access_time 12:27 pm IST