Gujarati News

(જીતેન્દ્ર આચાર્ય દ્વારા)ગોંડલ તા.૨૦: કિંમતી જમીન અને લાખોની પોલીસીની લાલચમાં પત્ની અને સાળા દ્વારા પતિ તથાં નિર્દોષ કાર ચાલક ને કાર સાથે વેકરી નજીક તળાવમાં ધકેલી દઇ મોત ને ઘાટ ઉતાર્યો ની સનસની ઘટનાં માં પોલીસે જડપેલાં આરોપીને કોરોના પોઝીટીવ બહાર આવતાં પોલીસ દ્વારા ગોંડલ સિવિલ હોસ્પિટલમાં ખસેડાયો હતો.પોલીસે ડબલ મર્ડર મિસ્ટ્રીની મુખ્ય સુત્રધાર મૃતકની પત્ની તથાં તેને મદદગારી કરનાર અન્ય મહીલાને જડપી લેવાં ચક્રો ગતિમાન કર્યા છે.

પ્રાપ્ત વિગતો મુજબ જેતપુર રહેતાં રમેશભાઈ બાલધા તથાં જુનાગઢ રહેતાં કાર ચાલક અશ્વિન પરમારને કેફી પદાર્થ પીવરાવી કાર સહીત વેકરી નજીક તળાવમાં ધકેલી મોતને ઘાટ ઉતાર્યાની ઘટનામાં પોલીસે જડપેલાં નાનજી ઉર્ફ નાશીરનો ગોંડલ તાલુકા પોલીસ દ્વારા કોવીડ ટેસ્ટ કરાવાતા કોરોના પોઝીટીવ હોવાનું બહાર આવતાં તેને અત્રેની સિવીલ હોસ્પિટલનાં કોવિડ સેન્ટરમાં ખસેડાયો છે.

દરમ્યાન જેને મોતને ઘાટ ઉતારાયા તે રમેશભાઈ બાલધાની પત્ની મંજુ ઉર્ફ મરીયમ જે પતિનો કાંટો કાઢવાની મુખ્ય કાવત્રાખોર હોય ઉપરાંત મદદગારી કરનાર વરાછા રોડ સુરત રહેતી પ્રવિણા પાણખાણીયાને પકડવી બાકી હોય બન્નેને જડપી લેવાં તપાસનીસ પીએસઆઇ એમ.જે.પરમારે તપાસ વેગવંતી બનાવી છે.