Gujarati News

Gujarati News

News of Saturday, 13th January 2018

મિલ્કત વેરો ભરવામાં 'દાંડાઇ' કરનારા આસામીઓને મોરબીમાં નોટીસો

મોરબી તા. ૧૩ : મોરબીમાં મિલકત ધારકો વેરા ભરવામાં ઉદાસીનતા દાખવતા હોવાથી તંત્ર દ્વારા વેરા વસુલાત માટે આકરી કાર્યવાહી કરવાની ફરજ પડે છે મોરબી નગરપાલિકાએ આવા વેરા બાકી હોય તે આસામીઓને નોટીસ ફટકારવાની શરૂઆત કરી છે અને મિલકત જપ્તી જેવી કાર્યવાહી કરવામાં આવશે તેમ પણ ટેકસ અધિકારી જણાવે છે.

મોરબી નગરપાલિકા હદ વિસ્તારમાં ઘર, દુકાન સહિતની મિલકત ધરાવતા આસામીઓ વેરા ભરવામાં ઉદાસીન વલણ દાખવે છે ત્યારે પાલિકા તંત્ર પણ આવા આસામીઓ સામે કાર્યવાહી કરે છે. મોરબી નગરપાલિકા દ્વારા હાલ ૨૫ હજારથી વધુ વેરા ભરવાના બાકી હોય તેવા ૬૭૫ થી વધુ આસામીઓને નોટીસ પાઠવવામાં આવી છે અને આગામી દિવસોમાં ૫૦ હજારથી લાખ રૂપિયા વેરા અને તેથી વધુ વેરા બાકી હોય તેવા આસામીઓને નોટીસ પાઠવાશે અને ત્યારબાદ પણ જો વેરો ભરવામાં ના આવે તો જપ્તી નોટીસો અપાશે તેમજ મિલકત જપ્તી સહિતની કાર્યવાહી કરવામાં આવશે તેમ મોરબી નગરપાલિકાના ટેકસ વિભાગના અધિકારી નરેન્દ્રસિંહ જાડેજાએ જણાવ્યું છે.

(12:00 pm IST)
  • ગાંધીનગર : SRPના PSIનો રીવોલ્વરથી આપઘાતનો પ્રયાસઃ સેકટર ૨૭માં રહેતા હતા access_time 12:51 pm IST

  • મહારાષ્ટ્રના સાંગલીમાં બે ગાડીઓના ગમખ્વાર અકસ્માતમાં ૬ લોકોના મોત અને 5 લોકો ઘાયલ થયા છે. access_time 1:14 pm IST

  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST