News of Thursday, 8th March 2018

હાઇકોર્ટના આદેશને પગલે ભુજના જાણીતા વકીલ એસ.ટી. પટેલ સહિત ૩ સામે ખોટા દસ્તાવેજોના આધારે બંગલો પચાવી પાડવાની ફરીયાદ

ભુજ એ-ડીવીઝન પોલીસે દાખલ કરી ફરીયાદઃ કરોડનું ફુલેકુ ફેરવનારા નેશનલ કન્સ્ટ્રકશનનાં રમેશ ખીમજી પટેલની અરજીને આધારે હાઇકોર્ટે એડવોકેટ એસટી પટેલ, તેમના પત્ની જયોત્સના પટેલ અને જુનીયર એડવોકેટ મેહુલ જોશી વિરૂધ્ધ ફરીયાદ નોંધવાનો આદેશ

ભૂજ, તા. ૮: સમગ્ર કચ્છ સહિત સૌરાષ્ટ્ર અને ગુજરાતમાં મોટા કન્સ્ટ્રકશનના કામ કરતી જાણીતી પેઢી નેશનલ કન્સ્ટ્રકશન નાણાકીય વિવાદનાં કારણે ચર્ચામાં છે.

ભૂજ પોલીસમાં ૧૯ કરોડથી વધુ છેતરપીંડીની ફરીયાદ નોંધાઇ છે એ નેશનલ કન્સ્ટ્રકશન કંપની ઉપર બિનસત્તાવાર રીતે કરોડનું ફુલેકુ ફેરવવાનો આક્ષેપ થઇ રહ્યો છે નેશનલ કન્સ્ટ્રકશનના ખીમજી પટેલ અને તેમના પુત્ર રમેશ પટેલની સાથે ચાલી રહેલા નાણાકીય વિવાદ અનુસંધાને ભૂજનાં જાણીતા એડવોકેટ એસટી પટેલે તેમના બંગલાનો કબ્જો મેળવી લીધો હતો.

ભૂજનાં જાદવજીનગરમાં આવેલા રમેશ ખીમજી પટેલ અને ખીમજી પટેલનાં બંગલાનો કબ્જો મેળવવા માટે કાનૂની કાગળો રજૂ કરાયા હતા આ કિસ્સામાં ઘષર્ણ સાથે પોલીસ ફરીયાદ પણ થઇ હતી. પોલીસે એડવોકેટ એમટી પટેલની ધરપકડ પણ કરી હતી. પણ હવે આ આખાયે કિસ્સામાં નવો વળાંક આવ્યો છે.

હાઇકોર્ટમાં રમેશ ખીમજી પટેલે દાદ માંગી હતી અને એડવોકેટ એસટી પટેલ વિરૂધ્ધ તેમનાં એટલે કે ફરીયાદી રમેશનાં પિતા ખીમજી પટેલના નામે ખોટી દસ્તાવેજ ઉભા કરવા, પાવરનામા ઉભા કરવા, સમાધાન ખત અને એકરારનામા ઉભા કરવા અને તેનો સાચા તરીકે ઉપયોગ કરીને અદાલત સમક્ષ રજૂ કરી આ મકાનનો કબજો મેળવી બંગલો પચાવી પાડવાનો આક્ષેપ કરાયો છે.

આ અંગે હાઇકોર્ટ આપેલા આદેશને પગલે ભુજ એ ડીવીઝન પોલીસે રમેશ ખીમજીજી ફરીયાદના આધારે એડવકોેટ એસટી પટેલ તેમના પત્ની જયોત્સનાબેન પટેલ, જુનીયર એડવોકેટ મેહુલ જોષી વિરૂધ્ધ ગુનો નોંધ્યો છે. ફરીયાદ કરનાર નેશનલ કન્સ્ટ્રકશન કંપનીના રમેશ પટેલની આ પહેલાં અમદાવાદ વિમાની મથકેથી ધરપકડ થઇ ચુકી છે.

જ્યારે તેમના પિતા ખીમજી પટેલને હાઇકોર્ટે આગોતરા જામીન આપ્યા છે. બન્ને પિતા-પુત્ર વિરૂધ્ધ નાણાકીય છેતરપીંડીનાં ગુનાઓ છે.

(11:42 am IST)
  • રાજકોટના જામકંડોરણાના અડવાણાનાં એક ખેતરમાં યુવક - યુવતીના જમીનમાં દાટેલા મૃતદેહ મળતા ચકચાર મચી જવા પામી છે : પોલીસે શરૂ કરી તપાસ access_time 9:24 am IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST