Gujarati News

 મોરબી : જીલ્લા વહીવટી તંત્રના ડીઝાસ્‍ટર મેનેજમેન્‍ટ સેલ, પ્રાંત કચેરી મોરબી દ્વારા ગુજરાત ગેસ લીમીટેડના સહયોગથી ઈમરજન્‍સી લેવલ ૩ ની મોકડ્રીલનુ આયોજન કરાયું હતું. જેમાં તંત્રની તૈયારીઓની સમીક્ષા કરવામાં આવી હતી અને ઈમરજન્‍સી જેવી સ્‍થિતિને પહોંચી વળવા તંત્ર સક્ષમ છે કે કેમ તેની ચકાસણી કરાઈ હતી.  તંત્ર દ્વારા આજે પ્રાઇમ ફિલિંગ સ્‍ટેશન, નાગેન્‍દ્ર નગર હળવદ રોડ ખાતે ઈમરજન્‍સી લેવલ-૩ મોકડ્રીલ હાથ ધરવામાં આવી હતી. જેમાં કમ્‍પ્રેસરના કારણે ગેસ લીકેજ થતા આગ લાગવાની દુર્ઘટના સર્જાઈ હતી જેથી જીજીએલ સ્‍ટાફ, એસડીએમ, મોરબી  ડીએસઓ, ગ્રામ્‍ય મામલતદાર, ડીપીઓ ડિઝાસ્‍ટર, અગ્નિશામક અધિકારી, અગ્નિશામક  ટીમ, ઈમરજન્‍સી ૧૦૮ અને આપડા મિત્રા સહિતની ટીમો ઉપસ્‍થિત રહી હતી અને સમયસર આગ પર કાબુ મેળવી લઈને મોકડ્રીલને સફળ જાહેર કરવામાં આવી હતી.