Gujarati News

મોરબી જીલ્લામાં વસતા તમામ માજી સૈનિકો માટે આગામી રવિવારના રોજ સંમેલન યોજાશે જેમાં વેપન મેળો અને બેન્ડ ડિસ્પ્લે રાખવામાં આવ્યું છે જેનો માજી સૈનિક પરિવારોએ લાભ લેવા જણાવ્યું છે
મોરબી જીલ્લા માજી સૈનિક મંડળની યાદીમાં જણાવ્યા અનુસાર તા. ૭ ઓગસ્ટને રવિવારના રોજ માજી સૈનિકોનું સંમેલન યોજાશે જેમાં જામનગર બ્રિગેડ તરફથી વેપન મેળાનું તેમજ બેન્ડ ડિસ્પ્લે રાખવામાં આવ્યું છે તા ૦૭ ને રવિવારે સવારે ૦૯ : ૩૦ થી ૦૧ : ૩૦ કલાક સુધી રાજપર ગૌશાળા પાસે, પટેલ સમાજ વાડી ખાતે કાર્યક્રમ યોજાશે સંમેલનમાંમાજી સૈનિકોના વિવિધ પ્રશ્નોની રજૂઆત કરવામાં આવશે જેથી માજી સૈનિક પરિવારોને પધારવા સંસ્થા પ્રમુખ અશોકસિંહની યાદીમાં જણાવ્યું છે કાર્યક્રમ માત્ર માજી સૈનિક પરિવારો પુરતો સીમિત હોવાનું પણ યાદીમાં ઉમેર્યું છે.