Gujarati News

રાજકોટઃ આજે તા.૪ના શનિવારે અમરેલીના કમાણી ફોરવર્ડ સ્‍કૂલના મેદાન પર રમત- ગમત અને યુવક સાંસ્‍કૃતિક વિભાગ દ્વારા ક્રાંતિવીરોનો મેગા મ્‍યુઝિકલી ડ્રામા ‘વીરાંજતિ' કાર્યક્રમ રજૂ થનાર છે.
આજે કાર્યક્રમમાં સાંઈરામ દવે લીખીત ‘અમારૂં અમરેલી' ગીત પ્રસ્‍તુત થશે. જેમાં અમરેલીના જ પ્રસિધ્‍ધ ગાયક વિમલ મહેતાએ તથા સાંઈરામ દવેએ કંઠ આપ્‍યો છે. અમદાવાદના સંગીતકાર રાહુલ મુંજારીયાએ જે ગીતને સંગીત આપ્‍યું છે.
આ તકે નોંધનીય છે કે સાંઈરામ દવેએ પોતાનો શૈક્ષણિક અભ્‍યાસ અમરેલીમાં કર્યો છે. પોતાની પ્રારંભિક કારકીર્દિના શ્રીગણેશ અમરેલી શહેરથી શરૂ થયા હોય સાંઈરામે આ ગીત અમરેલીને ભેટ ધર્યુ છે. અમરેલીની વિભૂતિઓ સાથે જોવા લાયક તથા ઐતહાસિક સ્‍થળોનું સુંદર વર્ણન કરતું આ ગીત ચાહકોને ખુબ ગમશે. ‘અમારૂં અમરેલી' ગીત હૃદયસ્‍થ પ્રતાપ પંડયા અને મનિષાબેન પંડયાના સહયોગથી બનાવાયું છે. સાંઈરામ દવે ઓફિશ્‍યલ તથા વિમલ મહેતા યુ-ટયુબ ચેનલ પર આ ગીત રાત્રે આઠ કલાકે રજૂ થશે.
ખૂબ જ નયનરમ્‍ય વિડીયોગ્રાફી અને એડીટીંગ સાથે ‘અમારૂ અમરેલી' ગીત ચાહકોને ખુબ ગમશે તેવી શ્રધ્‍ધા છે. કોઈ શહેરને અર્પણ કરાતું આ ગુજરાતનું સૌપ્રથમ ગીત હોય સાંઈરામ દવે તથા વિમલ મહેતા પર શુભેચ્‍છાઓનો વરસાદ થઈ રહ્યો છે