Gujarati News

ભુજ :એક અઠવાડિયા અગાઉ કચ્છના મુદ્રા પોર્ટ ઉપરથી મીઠાની આડમાં 52 કિલોગ્રામનું  500 કરોડ રૂપિયાનું  કોકેઇન મળી આવ્યું હતું. આ કેસમાં  ડીઆરઆઇએ ત્રીજા આરોપી મોહમ્મદ હાદી શેખને એ કેરળથી ઝડપી પાડ્યો હતો.  આ આરોપી અગાઉ ડીઆરઆઇને ચકમો આપીને ફરાર થઈ ગયો હતો. જેને ડીઆરઆઇ દ્વારા ફરીથી ઝડપી લેવામાં આવ્યો હતો અને આ આરોપીને આજે વહેલી સવારે 4:15 વાગ્યે સ્પેશ્યલ NDPS કોર્ટ સમક્ષ રજુ કરવામાં આવ્યો હતો. આ કેસમાં અગાઉ બે આરોપીની ધરપકડ થઈ ચૂકી છે. 

  અત્રે ઉલ્લેખનીય છે કે એક અઠવાડિયા અગાઉ કચ્છના મુદ્રા બંદર ખાતેથી એક કન્ટેનરની તપાસમાં 52 કિલો કોકેઇન મળી આવ્યું હતું.  આ કોકેઇનના સેમ્પલને પરીક્ષણ માટે FSLમાં મોકલવામાં આવ્યા હતા.  જેમાંથી કોકેઇન મળી આવ્યું તે  કન્ટેનર દુબઈથી આવ્યું હતું. ડીઆરઆઈને તપાસ દરમિયાન  આ જથ્થો મળી આવ્યો હતો. ત્યાર બાદ આ મામલે  DRIએ વધુ તપાસ હાથ ધરી હતી. મીઠાની આડમાં ડ્રગ્સનો જથ્થો મળી આવતા એવી શંકા ઉભી થઈ હતી કે મહીંથી મોટા પાયે ડ્રગ્સની હેરફેર થતી હશે. આથી આ દિશામાં તપાસ કરતા  બે આરોપીઓને ઝડપી લેવામાં આવ્યા હતા અને ત્રીજા આરોપીને પણ આજે  રજૂ કરવાાં આવ્યો હતો.