Gujarati News

Gujarati News

News of Friday, 27th November 2020

કોવિડ હોસ્પિટલમાં આગ અને મૃત્યુની ઘટના અંગે દુઃખ વ્યકત કરતા મહાનગરપાલિકાના પદાધિકારીઓ

રાજકોટ તા. ૨૭ : શહેરની ઉદય શિવાનંદ કોવિડ હોસ્પિટલમાં શોર્ટ સર્કીટના કારણે લાગેલી આગથી દર્દીઓના થયેલ મૃત્યુની ઘટના સંદર્ભે મેયર બિનાબેન આચાર્ય, ડે.મેયર અશ્વિનભાઇ મોલીયા, સ્ટેન્ડીંગ ચેરમેન ઉદયભાઇ કાનગડ, શાસક પક્ષના નેતા દલસુખભાઇ જાગાણી, દંડક અજયભાઇ પરમાર અને આરોગ્ય સમિતિના ચેરમેન જયમીનભાઇ ઠાકરે ઉંડા દુઃખની લાગણી વ્યકત કરી છે.

મશીનરીમાં ફોલ્ટના કારણે સર્જાયેલ આ બનાવથી સ્વજનો ગુમાવનાર મૃતકોના પરિવારોને સાંત્વના આપી છે.

શહેર ભાજપ પ્રમુખ કમલેશ મિરાણી, કોર્પોરેટર નીતિનભાઇ રામાણી, મ્યુ. કમિશ્નર ઉદીત અગ્રવાલ, પોલીસ કમિશ્નર મનોજ અગ્રવાલે પણ ઘટના સ્થળની મુલાકાત લીધેલ. તેમજ મુખ્યમંત્રીશ્રી વિજયભાઇ રૂપાણીએ ઘટના અંગે મેયર તથા મ્યુ. કમિશ્નરને ફોન કરી માહીતી મેળવી સંવેદના વ્યકત કરી હતી.

(3:39 pm IST)
  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST