Gujarati News

રાજકોટ,તા. ૨૭ : ઇન્‍ડો આફ્રિકન ચેમ્‍બર ઓફ કોમર્સ એન્‍ડ ઇન્‍સ્‍ટ્રી તથા રાજકોટ ચેમ્‍બર ઓફ કોમર્સ વચ્‍ચે વ્‍યાપારી સંબંધો બાંધવા આવતી કાલે સાંજે ૪ વાગ્‍યે ચેમ્‍બરના હોલમાં સંયુકત બેઠકનું આયોજન કરવામાં આવ્‍યું હોવાનું જાણવા મળે છે. આ બેઠકમાં આફ્રિકન દેશનું પ્રતિનિધિમંડળ ખાસ ઉપસ્‍થિત રહી વ્‍યાપારી સંબંધો વિષે ચર્ચા વિચારણા કરશે.

રાજકોટના અનેક ઉદ્યોગો જેમ કે ઇમીટેશન-ફાર્મા, કૃષિ સહિતના ઉદ્યોગો માટે આફ્રિકન દેશોમાં નિકાસ માટેની અનેક તકો રહેલી છે.

અત્ર એ નોંધનીય છે કે તાજેતરમાં મુંબઇ ખાતે આ પ્રકારની બેઠક મળી હતી. જેમાં રાજકોટના ઉદ્યોગકારોએ ભાગ લીધો હતો. બંને દેશો વચ્‍ચે વ્‍યાપારી સંબંધો બ્‍હોળા પ્રમાણમાં વિકસી શકે તેમ હોઇ આવતીકાલની બેઠક મહત્‍વની બની રહેશે તેવું જાણવા મળે છે.