Gujarati News

રાજકોટ તા. રર :.. મ.ન.પા. દ્વારા શહેરમાં આવેલી ૯ મીટરથી વધુ ઉંચી બિલ્ડીંગ ધરાવતી સ્કુલોમાં ફાયર સેફટીનાં સાધનો લગાવાયા છે કે કેમ ? તેનો સર્વે કરવામાં આવતા આ ૧પ૦ પૈકી ૧પ સ્કુલોમાં ફાયર સેફટીનો અભાવ જોવા મળતાં આ સ્કુલોને  મ.ન.પા.નાં ફાયર બ્રીગેડ વિભાગ દ્વારા આખરી નોટીસો અપાઇ છે.

આ અંગે ફાયર એન્ડ ઇમરજન્સી વિભાગનાં સુત્રોમાં જણાવાયા મુજબ ૯ મીટરથી વધુ ઉંચાઇ વાળી બિલ્ડીંગ ધરાવતી સ્કુલોમાં નિયમ મુજબ ફાયર સેફટી સાધનો ફરજીયાત છે.

આથી આ બાબતે શહેરની ૧પ૦ જેટલી સ્કુલોમાં ફાયર સેફટીનો સર્વે કરાયેલ જેમાંથી ૧પ સ્કુલોમાં ફાયર સેફટી સાધનો નહી હોવાનું ખૂલતાં આ સ્કુલોનાં સંચાલકોનો ફાયર સેફટી સાધનો નાખવા અંગે તાકીદ કરતી આખરી નોટીસો આપી દેવાઇ છે.

આ નોટીસ પછી પણ જો ફાયર સેફટી સાધનો નહી હોય તો સ્કુલ બિલ્ડીંગ 'સીલ' કરવા સુધીનાં પગલા લેવાની જોગવાઇ છે.