Gujarati News

Gujarati News

News of Friday, 22nd January 2021

રાજકોટમાં બપોર સુધીમાં કોરોનાના ૧૦ કેસઃ કાલે ૫૬૫ લોકોએ વેકસીન લીધી

શહેરમાં કુલ કેસનો આંક ૧૪,૮૭૩એ પહોંચ્યોઃ આજ દિન સુધીમાં કુલ ૧૪,૩૦૫ દર્દીઓએ કોરોના સામે જંગ જીત્યોઃ રિકવરી રેટ ૯૬.૨૪ ટકા

રાજકોટ, તા.૨૨:  વૈશ્વિક મહામારી કોરોના હાહાકાર મચાવી રહ્યો છે ત્યારે શહેરમાં આજ બપોર સુધીમાં ૧૦ કેસ નોંધાયા છે. જયારે ગઇકાલે ૫૬૫ લોકોએ વેકસીન લીધી હતી.

આ અંગે મ્યુ.કોર્પોરેશનની સતાવાર માહિતીમાં જણાવ્યા મુજબ આજે બપોરે ૧૨ વાગ્યા સુધીમાં   કુલ ૧૦ નવા કેસ સાથે શહેરમાં અત્યાર સુધીમાં કુલ ૧૪,૮૭૩ પોઝીટીવ કેસ નોંધાઇ ચુકયા છે. અને તે પૈકી ૧૪,૩૦૫ લોકો સાજા થઇને હોસ્પિટલમાંથી ડીસ્ચાર્જ થતા ૯૬.૨૪ ટકા રિકવરી રેટ થયો છે.

ગઇકાલે કુલ ૧૪૨૨ સેમ્પલ લેવાયા હતા.જેમાં ૪૩ કેસ નોંધાતા પોઝિટિવ રેટ ૩.૦૨ ટકા થયો  હતો. જયારે ૪૮  દર્દીઓને સાજા થયા હતા.

જયારે આજ દિન સુધીમાં ૫,૬૧,૪૮૭ લોકોનાં  ટેસ્ટ કરવામાં આવ્યા છે. જેમાંથી ૧૪,૮૭૩  સંક્રમીત થતા પોઝિટિવ રેટ ૨.૬૫ ટકા થયો છે.

કુલ ૧૫૫૫ લોકોએ વેકસીન લીધી

દેશનાં વડાપ્રધાન નરેન્દ્રભાઇ મોદી દ્વારા તા.૧૬નાં કોરોના વેકસીન લોન્ચ કરવામાં આવી છે. વેકસીન કામગીરી અંતર્ગત તા.૧૬નાં ૫૫૬, તા.૧૯નાં ૪૩૪ તથા ગઇકાલે તા.૨૧નાં ૫૬૫ સહિત કુલ ૧૫૫૫ લોકોને વેકસીન આપવામાં આવી હતી.

(2:47 pm IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST