Gujarati News

રાજકોટ તા. ૧૬: રાજ્ય સરકારે કોરોના સંદર્ભે જાહેર કરેલી  માર્ગદર્શિકા મુજબ શહેર પોલીસ કમિશનરશ્રી મનોજ અગ્રવાલે અગાઉ  સુધારા સાથેનું જાહેરનામુ આપ્યું છે. સરકારે નવી માર્ગદર્શિકા જાહેર કરી કર્ફયુનો સમય અગાઉ મુજબનો જ રાત્રીના ૧૧ થી સવારના ૬ સુધીનો રાખ્યો હોઇ  પોલીસ કમિશનરશ્રી મનોજ અગ્રવાલે જાહેરનામામાં સુધારો કરી ૨૮મી સુધી કર્ફયુનો કડક અમલ કરવા સુચના આપી છે.

 દૂકાનદારો  રાત્રીના ૯ સુધી દૂકાનો ખુલી રાખી શકશે એ નિયમ યથાવત રહ્યો છે. કર્ફયુ સમય રાતના ૧૧ થી સવારના ૬ સુધી હતો એ પણ જેમનો તેમ રખાયો છે. બાકીના તમામ નિયમો અગાઉની જેમ યથાવત રખાયા છે.

આ જાહેરનામા હુકમનો અમલ તા. ૧૭/૦૮/૨૦૨૧ના કલાક ૦૬:૦૦ થી તા. ૨૮/૦૮/૨૦૨૧ના કલાક ૦૬:૦૦ સુધી કરવાનો રહેશે. તેમ  પોલીસ કમિશનરશ્રી મનોજ અગ્રવાલે જણાવી માસ્ક, સોશિયલ ડિસ્ટન્સ અને સરકારી માર્ગદર્શિકાઓનું પાલન કરવા અનુરોધ કર્યો છે.