Gujarati News

Gujarati News

News of Thursday, 15th February 2018

શનિવારે રાજકોટ જિલ્લાની પાંચ નગરપાલિકાની ચૂંટણીઃ કુલ ૨II લાખ મતદારોઃ ૩૩૧ મતદાન મથકો

જેતપૂરમાં વોર્ડ નં. ૩માં ૩૮ ઉમેદવારોઃ ત્રણ બેલેટ યુનિટ મૂકવા પડશેઃ કુલ ૧૯૦૦નો પોલીંગ સ્ટાફઃ આજ સાંજથી જાહેર પ્રચાર - પડઘમ બંધઃ શનિવારે રાજકોટ વોર્ડ નં. ૪ની પણ પેટાચૂંટણીઃ કાલે તમામ સ્થળે સ્ટાફ રવાના થશે

રાજકોટ તા. ૧૫ : આગામી શનિવારે તા. ૧૭ના રોજ રાજકોટ જિલ્લાની પાંચ નગરપાલિકા સહિત રાજ્યની ૭૫ નગરપાલિકાની સામાન્ય ચૂંટણી યોજાશે, આજે સાંજે ૫ વાગ્યાથી જાહેર પ્રચાર - પડઘમ શાંત થઇ જશે, સાથોસાથ શનિવારે રાજકોટ મહાનગરપાલિકાની વોર્ડ નં. ૪ની પણ પેટાચુંટણી યોજાશે, કાલે પાલિકા - મહાપાલિકા તમામ સ્થળે સ્ટાફ રવાના થઇ જશે.

રાજ્ય ચૂંટણી પંચે ચૂંટણી અંગે તમામ તૈયારીઓ કરી લીધી છે, રાજકોટ જિલ્લાની જસદણના ૭ વોર્ડ - ૨૮ બેઠક, જેતપુર - નવાગઢ ૧૧ વોર્ડ - ૪૪ બેઠક, ઉપલેટા ૯ વોર્ડ - ૩૬ બેઠક, ભાયાવદર ૬ વોર્ડ ૨૪ બેઠક અને ધોરાજી ૯ વોર્ડ - ૩૬ બેઠકની ચૂંટણી થશે.

જેતપુર - નવાગઢમાં વોર્ડ નં. ૩માં અધધધ ૩૮ ઉમેદવાર હોય ત્રણ બેલેટ યુનિટ મૂકવા પડશે તેમ સૂત્રોએ કહ્યું હતું. કુલ ૩૩૧ મતદાન મથકો પાંચ પાલીકામાં નોંધાયા છે, તેમાંથી ૨૦૫ સંવેદનશીલ મથકો જાહેર કરાયા છે. કુલ ૮૩૮ બેલેટ યુનિટ અને ૪૧૯ સીયુ વપરાશે.

પાલિકા ચૂંટણીમાં ૧૯૦૦ના સ્ટાફના ઓર્ડરો થયા છે, ૫૫૦નો પોલીસ સ્ટાફ રહેશે, પાંચેય પાલિકા થઇને કુલ ૨૪૮૩૪૪ મતદારો છે. જેમાં સૌથી વધુ જેતપુર - નવાગઢમાં ૪૮૨૦૭ તો સૌથી ઓછા ભાયાવદરમાં ૭૫૩૩ મતદાન મથકો જાહેર કરાયા છે.(૨૧.૧૩)

(10:54 am IST)
  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • આધારકાર્ડની કાયદેસરતા અંગે સુપ્રીમ કોર્ટમાં સુનાવણી access_time 4:11 pm IST