Gujarati News

રાજકોટ તા. ૧૩ : સદ્દગુરૂ સદ્દન ટ્રસ્ટ (પૂ.શ્રી રણછોડદાસજી બાપુ આશ્રમ) પરિવાર દ્વારા આસો નવરાત્રીમાં દર વર્ષની જેમ આ વર્ષે પણ શ્રી રામચરિત માનસજીના પાઠનું આયોજન કરાયુ છે. આસો સુદ એકમના તા. ૧૭-૧૦-૨૦૨૦ ના શનિવારથી તા. ૨૫-૧૦-૨૦૨૦ ના આસો સુદ નોમ સુધી ફકત ૨૫ સંત ભગવાનની મર્યાદીત સંખ્યામાં જ આ પાઠ સરકારની ગાઇડ લાઇનની તકેદારી સાથે કરવામાં આવશે. ધર્મપ્રેમી ગુરૂ ભાઇ બહેનો પોત પોતાના ઘરે પાઠ કરીને આ નવાહ પાઠમાં સામેલ થઇ શકશે. અ માટે મો.૯૫૮૬૩ ૦૮૧૭૮ અથવા મો.૮૪૬૦૯ ૨૮૫૦૮ ઉપર વોટઠસ એપ મેસેજ અથવા ફોન કોલ કરીને નામ નોંધાવી શકાશે. વધુને વધુ સંખ્યામાં ધર્મપ્રેમીજનોએ પાઠમાં જોડાવા સદ્દગુરૂ સદ્ન ટ્રસ્ટ દ્વારા અનુરોધ કરાયો છે.