Gujarati News

Gujarati News

News of Saturday, 13th January 2018

મકરસંક્રાંતિ તહેવારની શુભેચ્છા પાઠવતા મેયર

વહેલી સવારે તથા સાંજે પતંગ ચગાવવી નહિ જેથી પક્ષીઓ ઘાયલ ન થાયઃ ડો. જૈમનભાઇની અપીલ

રાજકોટ તા. ૧૩ : મકરસંક્રાંતિના તહેવાર પ્રસંગે શહેરીજનોને શુભેચ્છા પાઠવતા મેયર ડો. જૈમન ઉપાધ્યાયએ જણાવ્યું હતું કે, ખુબ આનંદ ઉલ્લાસ સાથે તહેવાર માણવો સાથે સાથે બાળકોનું ખાસ ધ્યાન રાખવું અને કોઈ અકસ્માત શોટ, સર્કિટના બનાવો ન બંને તેની ખાસ કાળજી લેવી. ઉપરાંત રસ્તા પર આવકજાવન કરતા વાહનો ધીમા અને દોરી ગળામાં ન આવે તે માટે કાળજી પૂર્વક ચલાવવા.આ અંગે ડો. જૈમનભાઇ જણાવ્યું હતું કે, ઉપરાંત પતંગના કારણે નિર્દોષ પક્ષીઓ ખુબ જ ઘાયલ થતા હોય છે તેની પણ પતંગબાજોએ ધ્યાન રાખવું ખાસ કરીને વહેલી સવારે પક્ષીઓ ગગનમાં વિહાર કરતાં હોય છે તથા સાંજના સમયે પક્ષીઓ પોતાના રહેણાંક માળામાં જતા હોય છે એ સમયે પતંગ ચગાવવાથી સંધ્યા ટાણું હોવાના કારણે પક્ષીઓ ઘાયલ થવાનું વધુ બંને જેથી પતંગવીરોએ સંધ્યા સમયે પતંગો નહિ ચગાવવા અપીલ કરેલ છે.(૨૧.૨૪)

(4:21 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • જમ્મુ - કાશ્મીર : શ્રીનગરના HMT વિસ્તારમાંથી IED મળી આવ્યુ : સેના દ્વારા અવંતા ભવન તથા આસપાસમાં તપાસ ચાલુ કરી : બોંબ ડીસ્પોઝેબલ સ્કોડ ઘટના સ્થળે access_time 12:51 pm IST

  • ઉમા ભારતી નારાજ છે દિલ્હી છોડીને ભોપાલમાં : કેન્દ્રીય મંત્રી ઉમા ભારતી દિલ્હી છોડીને ભોપાલમાં છે : મોદી કેબીનેટમાં પોતાની સ્થિતિને લઈને પરેશાન છે ઉમા ભારતી access_time 12:54 pm IST