Gujarati News

Gujarati News

News of Saturday, 13th January 2018

મધ્યાહન ભોજન કેન્દ્રોમાં હવે બપોર બાદ બાળકોને ચણાચાટ-સુખડી-મુઠીયા-મીકસ કઠોળનો પણ નાસ્તો શરૂ

રાજકોટ જીલ્લાના ૯૦૦માંથી પ૦૦ કેન્દ્રો આવરી લેવાયાઃ અમુક સંચાલકો આડા ફાટયા...દેકારો...

રાજકોટ તા. ૧રઃ રાજય સરકારની લેખીત સૂચના બાદ રાજકોટ જીલ્લાના ૯૦૦ મધ્યાહન ભોજન કેન્દ્રોમાં બપોરે ૪ વાગ્યે બાળકોને નાસ્તો દેવાનું શરૂ કરાયું છે.

મધ્યાહન ભોજન કેન્દ્રોના ડે. કલેકટર શ્રી એમ. કે. પટેલે ર દિ' પહેલા તમામ સંચાલકોની મીટીંગ બોલાવી સરકારની લેખીત સુચનાની જાણ કરી દેવાઇ હતી, તેમના નિર્દેશ મુજબ રાજકોટ તાલુકાના તમામ સહિત જીલ્લાના પ૦૦ આસપાસ કેન્દ્રોમાં બાળકોને બપોરના ૪ વાગ્યાનો નાસ્તો દેવાનું શરૂ કરાયું છે. કુલ ૯૦૦ કેન્દ્ર છે, આ મહીનાના અંત સુધીમાં બધું આવરી લેવાશે.

તેમણે ઉમેરેલ કે પહેલા સ્ટોક નહોતો, હવે ભોજન-નાસ્તાનો પૂરતો સ્ટોક આવી ગયો છે, બાળકોને ર૦ ગ્રામ ચણાચાટ, પ૦ ગ્રામ સુખડી, ૭૦ ગ્રામ મુઠીયા અને પ૦ ગ્રામ મીકસ કઠોળ અપાશે.

દરમિયાન વધારાના નાસ્તાની સુચના આપતા જીલ્લાના અમુક સંચાલકો આડા ફાટયા છે, અને વધારે પૈસા માંી રહ્યા છે, કુલ ૯૦૦ કેન્દ્રોમાં ૧ લાખ વિદ્યાર્થીઓને ભોજન-નાસ્તો અપાઇ રહ્યો છે, તંત્ર આડા ફાટેલા સંચાલકો સામે કડક પગલા ભરવાના મૂડમાં હોવાનું જાણવા મળે છે.

(10:01 am IST)
  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST