Gujarati News

રાજકોટ તા. ૯ : મનપાની ફુડ શાખા દ્વારા શહેરના કોઠારીયા વિસ્‍તારમાં સુગંધ એન્‍ટરપ્રાઇઝમાં ચેકીંગ હાથ ધરતા સુગંધ બ્રાન્‍ડ નામથી વેચાતા ગરમ મસાલામાં ધાણાની ફોતરી, જીરૂની ફોતરી, મરી પાવડરની ફોતરી તથા લવિંગની કાંડી, બાદીયાની કાંડીનો ઉપયોગ થતો હોવાનું ખુલતા ૪૬૫ કિલો જથ્‍થાનો આજીડેમ ડમ્‍પીંગ યાર્ડ ખાતે નાશ કર્યો હતો. તેમજ ધાણા, જીરૂ, ગરમ મસાલા તેમજ અન્‍ય વિસ્‍તરમાં ખાણી પીણીના ધંધાર્થીને ત્‍યાંથી બાસુંદી વેજ. મખનવાલા સબ્‍જીના નમુના લેવામાં આવ્‍યા હતા.
મનપાની સત્તાવાર યાદીમાં જણાવ્‍યા મુજબ મહાનગરપાલિકાની ફૂડ ટિમ દ્વારા ગઇકાલેﾠ‘સુગંધ એન્‍ટરપ્રાઇઝ'ﾠ(ઉત્‍પાદક પેઢી)-ﾠવરુણ ઇન્‍ડ. એરિયા શેરી નં. -૩,ﾠશેડ નં. ૮,ﾠમાલધારી ક્રોસિંગની અંદર,ﾠકોઠારીયા,ﾠરાજકોટ ખાતેﾠસ્‍થળ તપાસ કરતાંﾠસુગંધ એન્‍ટરપ્રાઇઝ- ઉત્‍પાદકﾠપેઢીના ભાગીદાર નિલેષભાઈ છગનભાઈ અમૃતિયાને પૂછપરછ કરતાં સ્‍થળ પર તેઓ ગરમ મસાલા,ﾠમરચું,ﾠહળદર,ﾠધાણાજીરુંનું ઉત્‍પાદન કરી લૂઝ તથાﾠ‘સુગંધ'ﾠબ્રાંડ થી ૫ વર્ષ થી વેચાણ કરે છે. વધુમાં જણાવેલ ગરમ મસાલો બનાવવા ધાણા,ﾠજીરું,ﾠમરી,ﾠલવિંગ,ﾠબાદીયાન,ﾠજાયફળ નો ઉપયોગ કરવામાં આવે છે જે તેઓ દ્વારા ફેરિયાઓને વેચાણ કરવામાં આવે છે. વાસ્‍તવમાં સ્‍થળ પર ધાણાની ફોતરી ૨૧૦ કિલો,ﾠજીરૂંની ફોતરી ૨૦૦ﾠકિલો,ﾠમરી પાવડર ફોતરી ૨૦ﾠકિલો,ﾠલવિંગની કાંડી ૧૦ﾠકિલો,ﾠબાદીયાનની કાંડી ૨૫ﾠકિલો,ﾠઆમ કુલ ૪૬૫ﾠકિલોﾠજથ્‍થો (જેની કુલ કિમત રૂ. ૫૮,૯૨૦)જેવી હલકી કક્ષાની ચીજો વાપરી પ્રોસેસિંગ મશીનથી મેળવણી કરી હલકી કક્ષાનો ગરમ મસાલો બનાવતા હોવાનું પેઢીના માલિકે સ્‍વીકારેલ. હાલ આ જથ્‍થાનું માર્કેટમાં વેચાણ ન થાય તે હેતુથી હલકી કક્ષાનો જથ્‍થો આજીડેમ ડમ્‍પિંગ યાર્ડ ખાતે નાશ કરવામાં આવેલ. તેમજ ફૂડ સેફટીﾠએન્‍ડﾠસ્‍ટાન્‍ડર્ડ એક્‍ટ -૨૦૦૬ મુજબ ગરમ મસાલો,ﾠજીરું,ﾠધાણાના ﾠનમૂના લઈ સેમ્‍પલિંગ કાર્યવાહી કરવામાં આવેલ. ફૂડ વિભાગની ટીમ દ્વારા ઉપરોક્‍ત તમામ કામગીરી નાયબ કમિશ્નર આશીષકુમારના આદેશ હેઠળ કરવામાં આવેલ.
 ૬ નમૂના લેવાયા
મહાનગરપાલિકાﾠવિસ્‍તારમાંથી ﾠફુડ સેફટીﾠસ્‍ટાન્‍ડર્ડ એક્‍ટ-૨૦૦૬ﾠમુજબ (૧)ﾠબાસુંદી મીઠાઇ (લુઝ) : બાપા સીતારામ ડેરી ફાર્મ -મોરબી રોડ જકાતનાક સામે,ﾠજય જવાન જય કિશાન મેઇન રોડ,ﾠરાજકોટ (૨)ﾠબાસુંદી મીઠાઇ (લુઝ) :ﾠશ્રી પટેલ વિજય સ્‍વીટﾠએન્‍ડﾠનમકીન,ﾠમોરબી રોડ જકાતનાક પાસે,ﾠજલારામ સોસાયટી,ﾠરાજકોટ (૩) ધાણાﾠ(લુઝ) સુગંધ એન્‍ટરપ્રાઇઝ -ﾠવરુણ ઇન્‍ડ. એરિયા શેરી નં. -૩,ﾠશેડ નં. ૮,ﾠમાલધારી ક્રોસિંગની અંદર,ﾠકોઠારીયા,ﾠરાજકોટ (૪)ﾠગરમ મસાલોﾠ(લુઝ)ﾠસુગંધ એન્‍ટરપ્રાઇઝ -ﾠવરૂણ ઇન્‍ડ. એરિયા શેરી નં. -૩,ﾠશેડ નં. ૮,ﾠમાલધારી ક્રોસિંગ ની અંદર, કોઠારીયા,રાજકોટ (૫) જીરૂﾠ(લુઝ)ﾠસુગંધ એન્‍ટરપ્રાઇઝ -ﾠવરુણ ઇન્‍ડ. એરિયા શેરી નં. -૩,ﾠશેડ નં. ૮,ﾠમાલધારી ક્રોસિંગની અંદર, કોઠારીયા,ﾠરાજકોટ વેજ. મખ્‍ખનવાલા સબ્‍જી (પ્રિપર્ડ-લુઝ)ﾠઢાબા જંકશન-આલાબાઈનો ભઠ્ઠો,ﾠકિશાનપરા ચોક, મહિલા કોલેજ સામેથી ૬ નમૂના લેવામાં આવ્‍યા છે.