Gujarati News

Gujarati News

News of Thursday, 8th March 2018

દેના બેંક સાથે કરોડોની છેતરપીંડીના ગુન્હામાં પિતૃકૃપા કોટનના ભાગીદારોની જામીન અરજી રદ

બેંકો સાથેના છેતરપીંડીના બનાવો વધી રહ્યા છેઃ જામીન આપી શકાય નહિ

રાજકોટ તા. ૮ : અત્રે રેસકોર્ષ બ્રાંચ તરીકે ઓળખાતી દેનાબેંકમાંથી અંદાજે રૂ. સાડાસાત કરોડની લોન લઇને નાણા ભરપાઇ નહી કરી બેંક સાથે છેતરપીંડી કરવાના ગુનામાં પકડાયેલ અને જેલ હવાલે થયેલા આરોપીઓ દિનેશ ઠાકરશી લીંબાસીયા, ભરત ઠાકરશી લીંબાસીયા, હિતેષ ઠાકરશી લીંબાસીયા અને જેન્તી જેઠાભાઇ લીંબાસીયાએ જામીન પર છુટવા કરેલ અરજીને એડી.સેસન્સ જજ શ્રી એચ.આર.રાવલે નકારી કાઢી હતી.

આ અંગેની વિગત એવી છે કે, આરોપીઓ પિતૃકૃપા કોટન ઇન્ડસ્ટ્રીઝના ભાગીદારો હોય ધંધા માટે દેનાબેંક રેસકોર્ષ બ્રાંચમાંથી રૂ. સાડાસાત કરોડની લોન લીધી હતી.

ત્યારબાદ ધંધામાં ઉત્પાદન પ્રક્રિયા બંધ કરી સ્ટોક અગેના ખોટા સ્ટેટમેન્ટ બનાવી બેંકરો રજુ કરીને બેંક સાથે છેતરપીંડી કરી હતી જેથી બેંક દ્વારા આરોપીઓ સામે ફરીયાદ નોધાવી હતી.

આ ગુનામાં આરોપીઓ દ્વારા જામીન પર છુટવા અરજી થતા સરકારી વકીલ એસ.એક.વોરાએ રજુઆત કરેલ કે, હાલમાં બેંક સાથેના આર્થિક ગુનાઓનું પ્રમાણ વધી રહ્યું છેલોન લઇને નાણા ન ભરવા માટે યેનકેન પ્રકારે બેંકો સાથે છેતરપીંડી થઇ રહી છે.આરોપીઓ સામે ગંભીર પ્રકારનો સમાજ વિરોધી આર્થિક પ્રથમ દર્શનીય ગુનો હોય જામીન અરજી રદ કરવી જોઇએ.

ઉપરોકત રજુઆત અને ગુનાની ગંભીરતાને ધ્યાને લઇને સેસન્સ અદાલતે આરોપીઓની જામીન અરજીને રદ કરી હતી.

આ કામમાં સરકાર પક્ષે  જીલ્લા સરકારી વકીલ એસ.કે.વોરા રોકાયા હતા.

(4:09 pm IST)
  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST

  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST