News of Thursday, 8th March 2018

કોઠારીયા સોલવન્ટ નજીક મહિલાએ ટ્રેન હેઠળ કૂદી જિંદગીનો અંત આણ્યો

મૃતકના વાલીવારસ હોય તો આજીડેમ પોલીસનો સંપર્ક કરવો

રાજકોટ તા. ૮: કોઠારીયા સોલવન્ટ રાજકમલ પેટ્રોલ પંપ સામેના ભાગે ફાટક નં. ૧૩-૧૪ વચ્ચે સાંજે આશરે ૪૦ થી ૪૫ વર્ષના એક મહિલાએ ટ્રેન આગળ પડતું મુકી દેતાં ઘટના સ્થળે જ કમકમાટી ભર્યુ મોત નિપજ્યું હતું. બનાવની જાણ કન્ટ્રોલ ઇન્ચાર્જ પી.એન. ઝાલાએ કરતાં આજીડેમ પોલીસ મથકના પી.એસ.આઇ. ડી. બી. ગઢવી અને રાઇટર જયદેવભાઇએ જરૂરી કાર્યવાહી કરી હતી.

મૃત્યુ પામનાર મહિલાએ જાંબલી રંગનો કુરતો અને લાલ રંગનો પાયજામો પહેર્યા છે. મધ્યમવર્ગિય હોય તેવી જણાય છે. તેણે ટ્રેન સામે કૂદકો માર્યાનું ટ્રેન ડ્રાઇવરે જણાવ્યું હતું. તસ્વીરમાં દેખાતા મૃતકના કોઇ વાલીવારસ હોય તો આજીડેમ પોલીસનો ફોન ૭૪૩૩૮ ૧૪૮૦૮ ઉપર સંપર્ક કરવા જણાવાયું છે. (૧૪.૫)

(10:35 am IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST