Gujarati News

Gujarati News

News of Thursday, 8th March 2018

કામેથી ઘરે આવતી વખતે લેઉવા પટેલ હરખાભાઇ હાપલીયાને કાળ ભેટી ગયો

મવડી-ગોંડલ રોડ ચોકડી વચ્ચે ચક્કર આવતાં બાઇક પરથી પડી જતાં મોતઃ મવડીની શ્રી હરિ સોસાયટીમાં રહેતાં પરિવારમાં કલ્પાંત

રાજકોટ તા. ૮: કાળા માથાના માનવીને કાળ ગમે ત્યારે અને ગમે તે રીતે ભેટી જતો હોય છે. મવડી ચોકડી પાસે આવેલી શ્રીહરિ સોસાયટી-૧૨માં રહેતાં હરખાભાઇ જેઠાભાઇ હાપલીયા (ઉ.૫૦) નામના લેઉવા પટેલ પ્રોૈઢ સાથે આવુ જ બની ગયું છે. તેઓ કામેથી સાંજે પોણા આઠેક વાગ્યે બાઇક હંકારી ઘર તરફ આવી રહ્યા હતાં ત્યારે મવડી ચોકડી-ગોંડલ રોડ ચોકડી વચ્ચે અચાનક ચક્કર આવતાં ફંગોળાઇ જતાં બેભાન થઇ ગયા હતાં. તેમને સારવાર માટે સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું.

 

બનાવની જાણ હોસ્પિટલ ચોકીના એએસઆઇ જગુભા ઝાલા અને ધીરેનભાઇ ગઢવીએ માલવીયાનગર પોલીસને કરતાં પી.એસ.આઇ. પી.એલ. ધામા અને રાઇટર રવિરાજસિંહે જરૂરી કાર્યવાહી કરી હતી. મૃત્યુ પામનાર હરખાભાઇ સાત ભાઇમાં વચેટ હતાં અને બાંધકામની સાઇટો પર સુપરવિઝનનું કામ કરતાં હતાં. સાંજે કામેથી ઘરે આવતી વખતે આ બનાવ બન્યો હતો. તેમને સંતાનમાં એક પુત્ર અને એક પુત્રી છે. બનાવથી સ્વજનો શોકમાં ગરક થઇ ગયા છે. (૧૪.૫)

(10:33 am IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • ગુજરાત વિધાનસભામાં અપાઈ વિગતો :22 ધારાસભ્યોને ડાયાબિટીસ અને 90ને બ્લડપ્રેસર :વિધાનસભાનો સમય બદલવા વિચારણા :12ને બદલે 11 થી 4-30 કરવા અને શુક્રવારે 9-30 થી 2 સુધી કરવા વિચારણા access_time 12:00 am IST