Gujarati News

રાજકોટઃ હવામાન ખાતાએ જણાવ્યુ છે કે દક્ષિણ પશ્ચિમ મધ્યપ્રદેશ ઉપર લો-પ્રેસર છવાયુ છે. ઉપરાંત બેક ટુ બેક સિસ્ટમ્સ બની રહી છે. જેની અસરથી સૌરાષ્ટ્ર-કચ્છ સહિત સમગ્ર ગુજરાતમાં ૧૨ સપ્ટેમ્બર સુધી સાર્વત્રીક વરસાદનો રાઉન્ડ જારી રહેશે. મોનસુન ટ્રફ પણ નોર્મલ પોઝીશનથી દક્ષિણે છે મોનસુન એકટીવ છે. ખાસ કરીને દરિયકાંઠાના એકાદ બે સ્થળોએ ભારે વરસાદની શકયતા છે. દરમિયાન રાજકોટ શહેરમાં આજે સવારે વાદળોના ગંજારવ વચ્ચે ઝરમર વરસી ગયો હતોે બપોરના એકાદ વાગ્યાની આસપાસ પણ જોરદાર ઝાપટુ વરસી ગયુ હતુ. આ લખાય છે ત્યારે બપોરે ૩ વાગે ધાબડીયું વાતાવરણ જોવા મળે છે.