Gujarati News

રાજકોટ તા. ૩ :.. રાજકોટ સહિત સૌરાષ્ટ્ર-કચ્છમાં હવે ધીમે-ધીમે શિયાળાનો માહોલ જામતો જાય છે. અને મોડી રાત્રીનાં તથા વહેલી સવારના સમયે શિયાળા જેવી ઠંડકનો અનુભવ થાય છે.

આજે સતત બીજા દિવસે લઘુતમ તાપમાનનો પારો નીચે ઉતર્યો છે. નલીયામાં સૌથી નીચુ ૧પ.ર ડીગ્રી, લઘુતમ તાપમાન નોંધાયું છે.

લોકો પણ હવે ગરમ વસ્ત્રો સાથે ઘરની બહાર નીકળી રહયા છે. વહેલી સવારના સમયે ધીમે-ધીમે વધુ ઠંડીનો અહેસાસ થવા લાગ્યો છે.

આ વર્ષે ચોમાસામાં ખૂબ જ વરસાદ વરસ્યા બાદ ચોમાસાએ વિદાય લીધી છે. અને ધીમે - ધીમે શિયાળાના આગમનનાં એંધાણ થઇ રહ્યા છે.

જો કે સૂર્યનારાયણના દર્શન થતાની સાથે જ હુંફાળુ વાતાવરણ છવાઇ જાય છે અને જેમ - જેમ દિવસ પસાર થાય છે તેમ - તેમ ગરમીની અસર વધવા લાગે છે.

સવારના સમયે લઘુતમ તાપમાનનો પારો નીચે જાય છે. તો બપોરના સમયે મહત્તમ તાપમાનનો પારો ઉંચે ચડતા ઉનાળા જેવી ઋતુનો અહેસાસ થાય છે.