Gujarati News

રાજકોટ તા. ૩ :.. જીલ્લાને પ્રદુષણ મુકિત માટે ગ્રીન ડીસ્ટ્રીકટ વિઝન ડોકયુમેન્ટ કલેકટર તંત્ર દ્વારા તૈયાર કરાવેલ છે. જેમાં આવતાં ર૦ વર્ષ સુધીમાં કાર્બન ઉત્સર્જન ઘટાડવા, સોલાર, પવન ચકકી, ઇલેકટ્રીક વાહન જેવા બીન પરંપરાગત ઉર્જા સ્ત્રોતનો રોજીંદા જીવનમાં ઉપયોગ કરવા અંગેની બ્લ્યુ પ્રિન્ટ તૈયાર કરાઇ છે. જેનો રાજકોટ જીલ્લાનાં નગરપાલિકા, પંચાયત વિસ્તારો, તાલુકા  વિસ્તારોમાં સરકારી યોજનાઓ તેમજ નાગરીકો દ્વારા અમલ થાય તે માટેનું વિસ્તૃત આયોજન આ ડોકયુમેન્ટમાં છે. આ ડોકયુમેન્ટ મુજબ સરકારી યોજનાઓમાં વૃક્ષારોપણ, ગ્રીન બિલ્ડીંગો બનાવવા, ઇલેકટ્રીક વાહનોનો ઉપયોગ, સી. એન. જી. વાહનોનો ઉપયોગ વધારવો, સોલાર પેનલોનો ઉપયોગ વધારવા સહિતનાં આ યોજનો છે. આમ ગ્રીન ડીસ્ટ્રીકટ ડોકયુમેન્ટને કલેકટર અરૂણ મહેશબાબુએ મંજૂરી આપતાં હવે ટૂંક સમયમાં જીલ્લાનાં ગ્રીન પ્રોજેકટનાં કામો શરૂ થવાના એંધાણ છે.