Gujarati News

ન્‍યુ દિલ્‍હીઃ રશિયા ખાતેના ભારતના રાજદૂતાવાસના ઉપક્રમે આજ ૨૬ જાન્‍યુ.ના રોજ ભારતનો ૬૯મો પ્રજાસત્તાકદિન ઉજવાયો હતો. જેમાં ભારતના એમ્‍બેસેડર શ્રી પંકજ શરનએ ત્રિરંગા લહેરાવ્‍યો હતો. જેને ઉપસ્‍થિત ૫૦૦ ઉપરાંત ભારતીયો તથા સ્‍થાનિક પ્રજાજનોએ સલામી આપી હતી. બાદમાં ભારતના રાષ્‍ટ્રગીતનું ગાન કરાયુ હતું.

ધ્‍વજવંદન બાદ એમ્‍બેસેડર શ્રી સરનએ ભારતના રાષ્‍ટ્રપતિનો શુભેચ્‍છા સંદેશ તથા દેશવાસીઓને કરેલુ ઉદબોધન વાંચી સંભળાવ્‍યુ હતુ. બાદમાં બાળકોએ સાંસ્‍કૃતિક કાર્યક્રમો રજુ કર્યા હતા.

ભારતના પ્રજાસત્તાક પર્વની ઉજવણીનો પ્રોગ્રામ રશિયાના અગ્રણી ન્‍યુઝપેપર તથા ટીવી ચેનલમાં પ્રસિધ્‍ધ થયા હતા. તેવું સમાચાર સૂત્રો દ્વારા જાણવા મળે છે.