News of Thursday, 15th February 2018

યુ.એસ.માં ઇલિનોઇસના ૮મા ડીસ્‍ટ્રીકટમાંથી સેનેટમાં ઉમેદવારી નોંધાવતા શ્રી રામ વિલ્લીવલમઃ ટેકસ ઓછા કરાવવા, કોમ્‍યુનીટી સલામતિ,શિક્ષણ, તથા મિનીમમ વેજ સહિતના મુદે નવી પેઢીની જરૂર હોવાનું મંતવ્‍ય

શિકાગોઃ યુ.એસ.માં ઇલિનોઇસના ૮મા લેજીસ્‍લેટીવ ડીસ્‍ટ્રીકટમાંથી ઇન્‍ડિયન અમેરિકન શ્રી રામ વિલ્લીવલમએ સ્‍ટેટ સેનેટમાં ઉમેદવારી નોંધાવી છે.

શિકાગોમાં જન્‍મેલા તથા સ્‍થાયી થયેલા ઇન્‍ડિયન અમેરિકન શ્રી રામ ટેકસ ઓછા કરવા, કોમ્‍યુનીટીની સલામતિ, શિક્ષણ, તથા મિનીમમ વેજ મુદે ચૂંટણી લડવા માંગે છે.

તેઓ ઇન્‍ડો અમેરિકન ડેમોક્રેટીક ઓર્ગેનાઇઝેશન બોર્ડ તથા ગન વાયોલન્‍સ પ્રિવેન્‍શન એકટ બોર્ડના મેમ્‍બર છે. તથા રાજકારણમાં નવી જનરેશનની જરૂર છે તેવા મંતવ્‍ય સાથે ડેમોક્રેટ ઉમેદવાર તરીકે ચૂંટણી લડી રહ્યા છે

જો તેઓ ચૂંટાઇ આવશે તો ઇલિનોઇસ જનરલ એસેમ્‍બલીના સૌપ્રથમ ઇન્‍ડિયન અમરિકન તથા સાઉથ અમેરિકન મેમ્‍બર બનશે.

પ્રાઇમરી ચૂંટણી ૨૦ માર્ચ ૨૦૧૮ના રોજ તથા આખરી ચૂંટણી ૬ નવેં.ના રોજ યોજાશે.

(11:00 pm IST)
  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અરુણાચલ પ્રદેશના મુખ્યમંત્રી પર એક મહિલાએ જાતીય દુર્વ્યવહારનો આરોપ મૂક્યો છે. ભોગ બનનારે નેશનલ કમિશન ફોર વુમનની મદદની માગણી કરતા જણાવ્યું હતું કે 10 વર્ષ પહેલાં અરુણાચલ પ્રદેશના મુખ્યમંત્રી પેમા ખાંડુંએ તેનું શારીરિક શોષણ કર્યું હતું. રાષ્ટ્રીય મહિલા કમિશનએ મહિલાની ફરિયાદ પર યોગ્ય પગલાંની ખાતરી આપી છે. access_time 1:55 am IST