Gujarati News

Gujarati News

News of Sunday, 14th January 2018

યુ.કે.માં વસતા ગેરકાયદે ભારતીયોને દેશનિકાલ કરવા માટે ભારત સરકાર સહમતઃ યુ.કે.માં ભારત વિરોધ પ્રવૃતિઓ કરતા કાશ્‍મીરીઓ તથા શીખો ઉપર કન્‍ટ્રોલ કરવા લંડન સહમતઃ ભારતના જુનિયર હોમ મિનીસ્‍ટર કિરેન રિજ્જુ દ્વારા તૈયાર થઇ રહેલ MOU

લંડનઃ યુ.કે.સ્‍થિત ભારતીય મૂળના જુનીયર હોય મિનીસ્‍ટર શ્રી કિરેન રિજ્જુએ તાજેતરમાં જણાવ્‍યા મુજબ યુ.કે.માં વસતા ગેરકાયદે ભારતીયોને દેશનિકાલ કરવામાં ભારત સરકાર સહમત થયેલ છે. તેમજ યુ.કે.માં ભારત વિરોધ પ્રવૃતિઓ કરતા ખાલિસ્‍તાનવાદી શીખો તથા અલગ કાશ્‍મીરની માંગણી કરતા કાશ્‍મીરીઓને અટકાવવા તથા તેના ઉપર કન્‍ટ્રોલ કરવા લંડન સંમત થયુ છે.

આ બાબતે તેમણે યુ.કે. સરકારે સાથે વાટાઘાટ કરી ૨ MOU તૈયાર કર્યા છે. જે ભારતના વડાપ્રધાન શ્રી નરેન્‍દ્ર મોદી એપ્રિલ માસમાં યુ.કે.ની મુલાકાતે આવે ત્‍યારે સહી સિક્કા કરાશે. તેવું સમાચાર સૂત્રો દ્વારા જાણવા મળે છે.

(9:19 pm IST)
  • ફિલ્મ 'પદ્માવત'ની સત્તાવાર રીલીઝ ડેટ વાયકોમ-18એ જાહેર કરી દીધી છે. ફિલ્મ 25 જાન્યુઆરીના રોજ થિયેટર્સમાં જોવા મળશે. સંજય લીલા ભણસાલીની ફિલ્મ પદ્માવત તમિલ, તેલુગુ અને હિન્દીમાં એમ ત્રણ ભાષાઓમાં રજુ કરાશે. નિર્માતાઓએ નવા શીર્ષક સાથે પદ્માવતનું પોસ્ટર પણ રજુ કર્યું છે. સેન્સરએ પાંચ ફેરફારો સાથે ફિલ્મને "U/A" સર્ટીફીકેટ આપ્યું છે. આ સર્ટીફીકેટ સાથેની ફિલ્મોને એકલા નાના બાળકોને જોવાની મંજૂરી નથી હોતી. access_time 8:08 pm IST

  • કચ્છના લોરિયા પાસે ગોઝારા માર્ગ અકસ્માતમાં સૌરાષ્ટ્ર-ધોરાજીના મોટા ગુંદાળાના 9 યુવકોના કરૂણમોત : મરનાર તમામ એક જ ગામ મોટા ગુંદાળાના છે : ઇકો કાર અને લક્ઝરી બાદ વચ્ચેની ટક્કરમાં મૃતકો ઇકો કારમાં હતા : કારનો બુકડો બોલી ગયો : લકઝરી બસ ભુજ થી ખાવડા જતી હતી : ઇકો કાર ખવડાથી ભુજ તરફ આવતી હતી : આ બધા યુવકો સફેદ રણ જતા હતા ત્યારે કચ્છના લોરિયા પાસે સર્જાયેલ અકસ્માતમાં બધા જ 9ના સ્થળ પર જ મોત થયા છે access_time 11:53 pm IST

  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST