Gujarati News

લખનૌ, તા.૨૯: મુખ્‍તાર અંસારીના મળત્‍યુના સમાચાર મુખ્‍તાર અંસારીના મળત્‍યુની પણ તપાસ કરવામાં આવશે. જો ન્‍યાયિક કસ્‍ટડી દરમિયાન કોઈ કેદીનું મળત્‍યુ થાય છે, તો જેલ પ્રશાસન જિલ્લા વહીવટીતંત્રને જાણ કરે છે અને પોસ્‍ટમોર્ટમ કરાવે છે. જેલના એક અધિકારીના જણાવ્‍યા અનુસાર કોઈપણ કેદીના મળત્‍યુની ન્‍યાયિક તપાસની જોગવાઈ છે.

પૂર્વાંચલમાં આતંકવાદનું બીજું નામ ગણાતા માફિયા મુખ્‍તાર અંસારીનું ગુરુવારે અવસાન થયું હતું. તેમને બાંદા જેલમાં રાખવામાં આવ્‍યા હતા અને કાર્ડિયાક અરેસ્‍ટ થયા બાદ રાત્રે ૮:૨૫ વાગ્‍યે તેમને રાણી દુર્ગાવતી મેડિકલ કોલેજમાં લાવવામાં આવ્‍યા હતા. નવ ડોક્‍ટરોની ટીમે આઈસીયુમાં તેની સારવાર શરૂ કરી હતી, પરંતુ તેને બચાવી શકાયો નહોતો.

રાણી દુર્ગાવતી મેડિકલ કોલેજના પ્રિન્‍સિપાલ ડૉ. સુનિલ કૌશલે જણાવ્‍યું કે મુખ્‍તારનું મળત્‍યુ કાર્ડિયાક અરેસ્‍ટને કારણે થયું હતું. તેણે જણાવ્‍યું કે તેને અહીં બેભાન અવસ્‍થામાં લાવવામાં આવ્‍યો હતો. જેલના સ્‍ટાફે તેને ઉલ્‍ટી થવાની જાણ કરી હતી. સૂત્રોના જણાવ્‍યા અનુસાર મુખ્‍તાર ખીચડી ખાતો હતો. તેને લોહીની ઉલટી થવાની પણ ચર્ચા છે, પરંતુ આ વાતની પુષ્ટિ થઈ નથી. તેના મળતદેહને પોસ્‍ટમોર્ટમ હાઉસમાં લઈ જવામાં આવ્‍યો છે.

ડોક્‍ટરોએ કબજિયાતની સમસ્‍યાને કારણે તેને જેલમાં મોકલી દીધો હતો.

આ પહેલા સોમવારે રાત્રે પણ તેમની તબિયત લથડી હતી. મંગળવારે વહેલી સવારે તેને મેડિકલ કોલેજ લઈ જવામાં આવ્‍યો હતો. ડોક્‍ટરોએ તેને કબજિયાત હોવાનું નિદાન કર્યું અને સારવાર બાદ તે જ દિવસે તેને જેલમાં મોકલી દીધો.