Gujarati News

Gujarati News

News of Saturday, 28th November 2020

હૈદરાબાદને 'ભાગ્યનગર' બનાવીને વિકાસની નવી ઉંચાઇઓ પર લઇ જવા આવ્યો છું યોગી આદિત્યનાથનો રોડ શો યોજાયો

તમારી સાથે પગથી પગ મીલાવીને ચાલવા માટે ભગવાન રામની ધરતી પરથી હું ખુદ અહી આવ્યો છું.

હૈદરાબાદમાં યોજાનારી મહાનગરપાલિકાની ચૂંટણીને લઇને ભાજપના સ્ટાર પ્રચારકો મેદાનમાં ઉતર્યા છે. ભાજપના અધ્યક્ષ જેપી નડ્ડા પછી હવે ઉત્તર પ્રદેશના મુખ્યમંત્રી યોગી આદિત્યનાથે પણ મલ્કાજગીરીમાં રોડ શો કર્યો હતો. યોગીએ રોડ શો દરમિયાન કહ્યુ કે, “આપણે બધાએ આ નક્કી કરવુ છે કે એક પરિવાર અને મિત્ર મંડળીને લૂંટવાની આઝાદી આપવી છે કે પછી હૈદરાબાદને ભાગ્યનગર બનાવીને વિકાસની નવી ઉંચાઇઓ પર લઇ જવુ છે, મિત્રો આ તમારે નક્કી કરવાનું છે.”

યોગીએ કહ્યુ કે, “હું જાણુ છું કે અહીની સરકાર એક તરફથી જનતા સાથે લૂંટ ચલાવી રહી છે તો બીજી તરફ AIMIMના બહેકાવામાં આવીને ભાજપના કાર્યકર્તાઓનું શોષણ કરી રહી છે.” તેમણે કહ્યુ કે આ લોકો વિરૂદ્ધ નવી લડાઇ લડવા માટે તમારી સાથે પગથી પગ મીલાવીને ચાલવા માટે ભગવાન રામની ધરતી પરથી હું ખુદ અહી આવ્યો છું.

યોગી આદિત્યનાથના પ્રવાસ પહેલા AIMIMના પ્રમુખ અસદુદ્દીન ઓવૌસીના ભાઇ અકબરૂદ્દીન ઓવૈસીએ પણ ભાજપ પર નિશાન સાધ્યુ છે, તેમણે કહ્યુ હતું, જો ભાજપ સર્જિકલ સ્ટ્રાઇક કરશે તો એક ડિસેમ્બરે વોટર્સ ડેમોક્રેટિક સ્ટ્રાઇક કરશે. બીજી તરફ અકબરૂદ્દીન ઓવૈસીએ કહ્યુ કે ના યોગીથી ડરીશુ અને ના તો ચા વાળાથી, જેટલો આ દેશ પર મોદીનો હક છે, એટલો જ અકબરૂદ્દીનનો હક છે

(8:55 pm IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • સુરત મનપા કમિશનર બન્છાનિધિ પાનીનો મોટો નિર્ણય : સુરતમાં કોરોનાનો કહેર વધતા મનપાના સ્ટાફની શનિ-રવિની રજાઓ કરી રદ્દ access_time 11:50 pm IST

  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST