Gujarati News

પૂણ, તા.૨૮: પુણેનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વીડિયોમાં એક કપલ જોવા મળી રહ્યું છે, જે રોડ પર વચોવચ એકબીજાને કિસ કરી રહ્યું છે. આ દરમિયાન વાહન વ્‍યવહાર પણ થંભી ગયો હતો. ટ્રાફિક પોલીસ પણ બંનેને હટાવવાનો પ્રયાસ કરી રહી છે.

વાયરલ વીડિયો પુણે શહેરના એક ચોકનો છે, જ્‍યાં એક કપલ એકબીજાની બાહોમાં સમાઈને કિસ કરતાં જોવા મળે છે. વીડિયોમાં જોઈ શકાય છે કે તેમના આ કળત્‍યને કારણે વાહનવ્‍યવહાર સંપૂર્ણપણે બંધ થઈ જાય છે. જોકે, ટ્રાફિક પોલીસ બંનેને હટાવવાનો પ્રયાસ કરી રહી છે.

આ પછી પણ બંને એકબીજાને કિસ કરતાં રહે છે. આવી પરિસ્‍થિતિમાં હાલત એવી છે કે ત્‍યાં ટ્રાફિક ઘણો જામ થઈ જાય છે. આ દ્રશ્‍ય જોઈને ઘણા લોકો ઉશ્‍કેરાઈ જાય છે. ત્‍યાં હાજર લોકો તેમને હટાવવાનો પ્રયાસ કરે છે, ત્‍યારબાદ બંને ત્‍યાંથી નીકળી જાય છે.આવો જ એક વીડિયો મુંબઈના મરીન ડ્રાઈવ પરથી પણ સામે આવ્‍યો હતો, જે સોશિયલ મીડિયા પર વાયરલ થયો હતો. આ વાયરલ વીડિયો એક યુઝરે તેના યુટયુબ એકાઉન્‍ટ પરથી શૅર કર્યો છે. આ વાયરલ વીડિયોને હજારો લોકોએ જોયો છે. મુંબઈના આ વીડિયોને યુઝર્સ પણ ખૂબ શૅર કરી રહ્યા છે અને સોશિયલ મીડિયા પર યુઝર્સ પોતાની પ્રતિક્રિયાઓ પણ આપી રહ્યા છે.ઉલ્લેખનીય છે કે મુંબઈના મરીન ડ્રાઈવ પર કિસ કરતાં કપલનો વીડિયો સોશિયલ મીડિયા પર અવાર-નવાર વાયરલ થતાં રહે છે. આવો જ એક વીડિયો થોડા મહિના પહેલાં વાયરલ થયો હતો, જેમાં એક કપલ મરીન ડ્રાઈવના રસ્‍તા પર એકબીજાને કિસ કરી રહ્યું હતું.