Gujarati News

લખનૌ,તા. ૨૮: લગ્નએ એક સામાજિક વ્‍યવસ્‍થા છે. બે માણસ આ જીવન સાથે રહીને આખુ જીવન એક બીજાના સુખ દુઃખમાં સાથે રહે તે માટે સમાજ દ્વારા આ વ્‍યવસ્‍થા ગોઠવવામાં આવી છે અને યુવક યુવતીને એક બીજાના સાથીદાર પસંદગી કરવાનો અધિકાર છે. ત્‍યારે સામાજિક પરંપરાઓ અને બંધનોનો વિચાર કર્યા વગર એક ઓટોડ્રાઈવરે કિન્નરની માગમાં સિંદૂર ભરીને સમાજને અરિસો દેખાડવાનું કામ કર્યું છે. ઓટોડ્રાઈવરે હિંદુ રીતિ રિવાજ સાથે પોતાના વિસ્‍તારમાં આવેલા એક મંદિરમાં કિન્નરની માગ ભરીને અગ્નિની સાક્ષીએ સાત ફેરા લીધા હતા. હાલ આ લગ્ન ચર્ચાનો વિષય બન્‍યો છે. આ ખાસ લગ્નનો વીડિયો હાલ સોશિયલ મીડિયામાં વાયરલ થઈ રહ્યો છે. જો કે, આ લગ્નથી ઓટોચાલકના પરિવારજનો નારાજ થઈ ગયા છે.

મળતી જાણકારી અનુસાર ચંદૌલી વિસ્‍તારમાં રહેનાર એક ઓટો ડ્રાઈવર અભિષેકની મુલાકાત એક મહિલાના પહેલા તેના વિસ્‍તારમાં જ એક છોટી નામના કિન્નર સાથે થઈ હતી. જાણવા મળી રહ્યું છે કે, અભિષેકને પહેલી નજરમાં છોટી સાથે પ્રેમ થઈ ગયો હતો અને છોટીની એક ઝલક જોવા માટે અભિષેક, કલાકો સુધી રીક્ષા સ્‍ટેન્‍ડમાં બેસી રહેતો હતો. છોટી જયારે રીક્ષા સ્‍ટેન્‍ડ પાસેથી પસાર થતી હતી ત્‍યારે બંનેની નજર એકબીજાને મળતી હતી.એક દિવસ બંનેએ એકબીજાને પોતાના મનમાં ચાલી રહેલા પ્રેમની વાત કરી દીધી હતી.

મળતી માહિતી મુજબ, લગ્ન પહેલા છોટી અને અભિષેક લીવ ઈન રિલેશનશિપમાં રહ્યા હતા. ધીમે ધીમે બંનેના સબંધની વાત આખા ગામમાં ફેલાઈ ગઈ હતી. જે બાદ સામાજિક બંધનોને ગણકાર્યા વગર સામૂહિક રૂપે બંનેએ મંદિરમાં જઈને લગ્ન કરી લીધા હતા અને જીવનભર માટે બંને એકબીજાના હમસફર બની ગયા હતા. જો કે, એક કિન્નર સાથે અભિષેકે લગ્ન કર્યા હોવાથી હાલ અભિષેકના પરિવારજનો નારાજ છે.