Gujarati News

મક્કા, તા.૨૮: મક્કા મદીના મુસ્‍લિમ ધર્મમાં ખૂબ જ પવિત્ર સ્‍થળ છે. દર વર્ષે લાખો લોકો ત્‍યાં જાય છે. રમઝાનના પહેલા સપ્તાહમાં સાઉદી અરેબિયાના દક્ષિણ પશ્‍ચિમ ભાગમાં એક દુઃખદ અકસ્‍માત સર્જાયો હતો. પવિત્ર શહેર મક્કામાં શ્રદ્ધાળુઓને લઈ જતી બસ પુલ સાથે અથડાઈ હતી. અથડામણ બાદ તેમાં આગ લાગી હતી. આ અકસ્‍માતમાં ૨૦ લોકોના મોત થયા હતા અને બે ડઝનથી વધુ લોકો ઘાયલ થયા હતા. બસ દુર્ઘટનામાં સંડોવાયેલા પીડિતો વિવિધ દેશોના છે.

આ અકસ્‍માત ત્‍યારે થયો જ્‍યારે બસ યમનની સરહદે દક્ષિણ-પશ્‍ચિમમાં આવેલા આસિર પ્રાંતમાં જઈ રહી હતી. જણાવવામાં આવી રહ્યું છે કે અકસ્‍માત પાછળનું કારણ બસની બ્રેક ફેલ હોવાનું માનવામાં આવી રહ્યું છે. બ્રિજ સાથે અથડાયા બાદ બસ પલટી ગઈ હતી અને આગ લાગી હતી. દુર્ઘટનામાં મળત્‍યુ પામેલા મુસાફરોની માહિતી બહાર આવી નથી.

આ ઘટના રમઝાનના પહેલા સપ્તાહ દરમિયાન બની હતી. રાજ્‍ય-સંબંધિત અલ-એખબારિયા ચેનલે અહેવાલ આપ્‍યો છે કે પ્રારંભિક માહિતી અનુસાર, અકસ્‍માતમાં મળત્‍યુઆંક ૨૦ પર પહોંચી ગયો છે અને બે ડઝનથી વધુ લોકો ઘાયલ થયા છે. બસ દુર્ઘટનામાં સંડોવાયેલા પીડિતો વિવિધ દેશોના છે.