Gujarati News

Gujarati News

News of Friday, 27th November 2020

કોર્ટે ઘટનાને દુર્ભાગ્યપૂર્ણ ગણાવીઃ જવાબદારો સામે પગલા લેવા કહ્યું

રાજકોટ અગ્નિકાંડથી સુપ્રિમ કોર્ટ લાલઘુમઃ સરકાર પાસે રીપોર્ટ માંગ્યોઃ ૧લી ડીસેમ્બરે સુનાવણી

નવી દિલ્હી, તા.૨૭: રાજકોટના આનંદ બંગલા ચોક નજીક આવેલી ઉદય શિવાનંદ કોવિડમાં મોડી રાત્રે આગ લાગતા ૫ લોકો જીવતા ભડથું થઇ ગયા છે. તેની સુપ્રીમ કોર્ટે પણ નોંધી લીધી અને રાજકોટ અગ્નિકાંડ માટે ગુજરાત સરકાર પાસેથી રિપોર્ટ માંગ્યો. ૧ ડિસેમ્બરે અગ્નિકાંડ મુદ્દે સુપ્રીમ કોર્ટમાં સુનાવણી થશે.રાજકોટમાં સર્જાયેલા અગ્નિકાંડ પર સુપ્રીમ કોર્ટે કહ્યું કે આ ખૂબ જ આદ્યાતજનક દ્યટના છે અને આ કંઇ પહેલી નથી. સુપ્રીમ કોર્ટે સોલિસિટર જનરલ તુષાર મહેતાને સ્પષ્ટ આદેશ આપ્યો કે જે પણ આના માટે જવાબદાર હોય તેની સામે કડકમાં કડક પગલાં લેવાવા જોઈએ. જસ્ટિસ શાહે નોંધ લીધી કે કોઈ પણ દુર્દ્યટનાનું માત્ર કારણ આપીને સંતોષ માની ના લો, આની કિંમત આપણે આવી દુર્દ્યટનાઓના પુનરાવર્તનથી ચૂકવવી પડી રહી છે. આપણે આવી દ્યટનાના મૂળમાં જવું જોઈએ, સાચું કારણ શોધવું જોઈએ. અમદાવાદની તે હોસ્પિટલમાં શું થયું? કાર્યવાહી પૂરી થઈ ગઈ. આ તો ખૂબ ગંભીર બાબત છે. આ ખાનગી હોસ્પિટલમાં કુલ કોરોનાના ૩૩ દર્દી સારવાર લઈ રહ્યા હતા. બચાવી લેવાયેલા બીજા દર્દીઓને અન્ય હોસ્પિટલમાં શિફ્ટ કરવામાં આવ્યા છે.રાજકોટના આનંદ બંગલા ચોક નજીક ઉદય શિવાનંદ કોવિડ હોસ્પિટલ માં મોડી રાત્રે આગ લાગી હતી. જેમાં ૫ લોકોના મોત થયા છે. ICU વોર્ડમાં ૧૧ પૈકી ૬ દર્દીને બચાવી લેવામાં આવ્યા હતા, જયારે કે ૫ દર્દી આગમાં ભડથું થયા હતા. હજી સપ્ટેમ્બર મહિનામાં જ ઉદય શિવાનંદ કોવિડ હોસ્પિટલને મંજૂરી આપવામાં આવી હતી. ત્યારે ગંભીર આગની દ્યટના વિશે મુખ્યમંત્રી વિજય રૂપાણીએ માહિતી મેળવી હતી.
 

(2:54 pm IST)
  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • ' કૌન બનેગા કરોડપતિ ' શો વિવાદમાં : 64 લાખ રૂપિયાનો પ્રશ્ન : 1927 ની સાલમાં ડો.ભીમરાવ આંબેડકરના અનુયાયીઓએ કયા હિન્દૂ ધર્મગ્રંથના પાના બાળી નાખ્યા હતા ? : મહાનાયક અમિતાબ બચ્ચને હોટ સીટ ઉપરથી પૂછેલો પ્રશ્ન હિન્દુઓની ધાર્મિક લાગણી ઉશ્કેરનારો : મુઝફ્ફર કોર્ટમાં ફરિયાદ access_time 11:31 am IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST