Gujarati News

કાબુલ, તા. ૨૬ :. કાબુલની હાલત અત્યંત ખરાબ છે. આ દરમિયાન શહેરમાં પ્રાઈવેટ ટ્રાવેલ એજન્સીની ઓફિસમાં આઈએસઆઈ ત્રાસવાદીઓ ઘુસી ગયા હતા અને તેઓએ અનેક અફઘાન પાસપોર્ટ અને ભારતીય વિઝા લૂંટીને લઈ ગયા હતા.

આ લોકો ત્યાંથી સત્તાવાર સિક્કાઓ, અનેક અફઘાન પાસપોર્ટ અને ભારતીય વિઝા બઠાવી ગયા હતા. આ ઓફિસ ભારતીય મિશન તરફથી ત્યાં વિઝાનુ કામકાજ સંભાળતી હતી.

મળતા અહેવાલો અનુસાર આ લૂંટ બાદ ભારતીય ઈમીગ્રેશન એજન્સીઓને એલર્ટ કરવામાં આવી છે કારણ કે આ દસ્તાવેજોનો ઉપયોગ ભવિષ્યમાં નકલી પાસપોર્ટ બનાવવા થઈ શકે છે.