Gujarati News

નવી દિલ્‍હીઃ અમેરિકામાં આવેલા પ્રચંડ વાવાઝોડાથી ભારે નુકશાન થયું છે. તાજેતરમાં આ શક્તિશાળી તોફાન અને ટોર્નેડોએ એક તબાહી મચાવી છે. મળી રહેલી માહિતી અનુસાર, અમેરિકાના મિસિસિપી રાજ્યમાં શક્તિશાળી તોફાન અને ટોર્નેડોના કારણે ઓછામાં ઓછા 23 લોકોના મોત થયા છે. મિસિસિપી ઇમરજન્સી મેનેજમેન્ટ એજન્સીએ ટ્વીટ કર્યું હતું કે, "અમે 23 મૃતકોની પુષ્ટિ કરી શકીએ છીએ, ઘણા ઈજાગ્રસ્ત થયા છે અને ગત રાત્રિના ટોર્નેડોને કારણે ચાર લોકો ગુમ થયા છે."

શુક્રવારે મોડી રાત્રે મિસિસિપીમાં ટોર્નેડો અને તોફાની વાવાઝોડું ત્રાટકતાં ઓછામાં ઓછા 23 લોકો માર્યા ગયા હતા અને ડઝનેક લોકો ઘાયલ થયા હતા. રાજ્યની ઈમરજન્સી મેનેજમેન્ટ એજન્સીએ જણાવ્યું કે ટોર્નેડોએ 160 કિમીથી વધુ વિસ્તારમાં વિનાશ સર્જ્યો હતો. ક્ષતિગ્રસ્ત ઈમારતોના કાટમાળ નીચે વધુ લોકો ફસાયા હોવાની આશંકા છે. ટોર્નેડો ઘણા ગ્રામીણ નગરો પર ત્રાટક્યું હતું, જ્યાં વૃક્ષો અને વીજ લાઈનો ધરાશાયી થઈ હતી અને હજારો પાવર આઉટેજની જાણ થઈ હતી. દક્ષિણના અન્ય કેટલાક રાજ્યો પણ શક્તિશાળી તોફાનો માટે તૈયારી કરી રહ્યા છે.

રાજ્યના ઘણા વિસ્તારોમાં ગોલ્ફ બોલના કદમાં કરા પડ્યા અને ભારે વરસાદ નોંધાયો. આ વિસ્તારમાં એક કે બહુવિધ ટોર્નેડો પેદા થયા છે કે કેમ તે હજુ સ્પષ્ટ નથી. જોકે રાષ્ટ્રીય હવામાન સેવાએ ગઈકાલે ચેતવણી આપી હતી કે ઘણા ટોર્નેડોની આગાહી કરવામાં આવી હતી, તે શક્ય છે કે વિનાશ ટોર્નેડોને કારણે થયો હતો. સ્થાનિક રહેવાસી બ્રાન્ડી શોવાએ કહ્યું, "મેં આવું ક્યારેય જોયું નથી... તે એક નાનકડું શહેર હતું, અને હવે તે ચાલ્યું ગયું છે."

ઓક્લાહોમા યુનિવર્સિટીના સ્કૂલ ઓફ મીટીરોલોજીના સેમ ઇમર્સને જણાવ્યું હતું કે, આ ભયાનક તોફાને અહીંના કાટમાળને 30,000 ફૂટથી પણ ઉપર ઉઠાવ્યું હતું. શહેરને ત્રાટકેલા ટોર્નેડોની તાકાતથી ગભરાયેલા શહેરના રહેવાસીઓ માટે પ્રાર્થના કરવા માટે તેમની ટીવીની આગાહીને ક્ષણભરમાં રોકી દીધી. મિસિસિપીના ગવર્નર ટેટ રીવસે ટ્વિટર પર જણાવ્યું હતું કે શોધ અને બચાવ ટીમો અસરગ્રસ્તોને તબીબી સહાય પૂરી પાડી રહી છે.