Gujarati News

Gujarati News

News of Wednesday, 25th November 2020

અહેમદ પટેલ કરતા તેમના પત્નિની વાર્ષિક આવક વધુ હતી

કોંગ્રેસના ચાણક્ય કરોડપતિ હતા : ચૂંટણી પંચને આપેલી એફિડેવિટ મુજબ પટેલની કુલ સંપત્તિ છ કરોડ ૫૧ લાખ ૯,૮૦૩ રુપિયા હતી

અમદાવાદ, તા. ૨૫ : કોંગ્રેસના ચાણક્ય ગણાતા અહેમદ પટેલનું મોડી રાતે નિધન થયું હતું. પહેલા તેમને દિલ્હીની મેદાંતા હોસ્પિટલમાં દાખલ કરાયા હતા. જ્યાં તેમનુ નિધન થયું હતું. નિધન બાદ અહેમદ પટેલની દફનવિધિ પૈતૃક ગામમાં કરવામાં આવશે.

ત્યાં અહેમદ પટેલ પોતાના પરિવાર માટે કેટલી સંપત્તિ મૂકીને ગયા છે અંગે મળતી માહિતી મુજબ ચૂંટણી પંચને આપેલી એફિડેવિટમાં જણાવ્યા અનુસાર અહેમદ પટેલની પોતાની વાર્ષિક આવક પંદર લાખ ૧૦ હજાર ૧૪૭ રૂપિયા હતી. તેમના કરતાં તેમનાં પત્ની મૈમુનાની આવક વધુ હતી.

ચૂંટણી પંચને આપેલી એફિડેવિટ અનુસાર મૈમુનાની વાર્ષિક આવક ૨૦,૧૫,૯૦૦ રૂપિયા હતી. પતિ-પત્નીની કુલ આવક ૩૫,૨૬,૦૪૭ રૂપિયા હતી. ૨૦૧૧થી ૨૦૧૭ વચ્ચે તેમની આવકમાં ૨૩ ટકાનો વધારો નોંધાયો હતો.

અહેમદ પટેલની એફિડેવિટમાં જણાવ્યા મુજબ તેમની કુલ સંપત્તિ કરોડ ૫૧ લાખ ,૮૦૩ની હતી. તેઓનું એક કરોડ રૂપિયાની બચત છે. જો કે અહમદ પટેલની આવકનું સાધન શું હતું એનો ખુલાસો એફિડેવિટમાં થયો નહોતો. જોકે તેમના સંતાનોની આવક અને કુલ સંપત્તિની વિગતો એફિડેવિટમાં આપવામાં આવી હતી.

(8:45 pm IST)
  • પંજાબમાં ૧ ડીસેમ્બરથી તમામ શહેરો અને ગામોમાં રાત્રીના કર્ફયુનું એલાનઃ હોટલો રેસ્ટોરન્ટ રાતના ૯.૩૦ સુધી ખુલ્લા રહેશેઃ નિયમનો ભંગ કરવા બદલ ૧૦૦૦નો દંડ access_time 3:21 pm IST

  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST