Gujarati News

Gujarati News

News of Thursday, 24th September 2020

રાજસ્થાનમાં ડુંગરપુર પાસે સ્ફોટક સ્થિતિ: નેશનલ હાઈવે ઉપર ૧૦ કિલોમીટરના જામ: પોલીસના વાહનો સળગાવ્યા: ગુજરાત તરફ આવતી ખાનગી બસો ગામડાંઓમાં થઈને આવે છે

રાજસ્થાનના ઉદયપુરથી 100 કિલોમીટર દૂર ડુંગરપુરની એક પહાડી ઉપર નેશનલ હાઈવે ઉપર ૧૦ કિલોમીટરનો જામ સર્જાયો છે. આદિવાસી શિક્ષિત યુવાનો અહીં મહા પડાવ નાખી આંદોલન કરી રહ્યા છે. આ યુવાનો અને પોલીસ વચ્ચે બેફામ પથ્થરમારો થયો છે. પોલીસને ભાગવું પડ્યું.કાંકરી ડુંગરીના યુવાનો પોતાને ગુલામ સમજી રહ્યા છે અને આઝાદીના નારા લગાવ્યા છે. ૧૧૦૦થી વધુ જગ્યા ઉપરની ભરતી બાબતે લાંબા સમયની માગણીઓ હવે રસ્તા ઉપર આવી ગઈ છે. પોલીસ ઉપર પથ્થરમારો તથા સંખ્યાબંધ વાહનોને સળગાવી દેવાયા છે. ગુજરાત તરફ આવતી ખાનગી બસો રાજસ્થાનના ગામડાંઓમાં થઈને આવી રહ્યાનું પણ જાણવા મળે છે. સ્થિતિ સ્ફોટક હોવાનું ચર્ચાય છે.

(11:56 pm IST)
  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST

  • જમ્મુ કશ્મીર : બડગામના ચડોરા વિસ્તારમાં આતંકવાદીઓએ સીઆરપીએફ પાર્ટી પર હુમલો કર્યો : એક સીઆરપીએફ જવાન શહીદ : આતંકીઓ સીઆરપીએફ જવાનની સર્વિસ રાઇફિલ લઇને નાસી ગયા : આતંકીઓને શોધવા સેના દ્વારા સર્ચ ઓપરેશન શરૂ કરાયું access_time 9:47 am IST

  • કાશ્મીરના પૂર્વ મુખ્યમંત્રી ફારુખ અબ્દુલ્લાનું વિવાદાસ્પદ વિધાન : કાશ્મીરના લોકો પોતાને ભારતીય ગણતા નથી : કાશ્મીર ઉપર ચીનનું શાસન આવે તેવી કાશ્મીરી પ્રજાજનોની ઈચ્છા હોવાનું જણાવ્યું access_time 1:47 pm IST