Gujarati News

Gujarati News

News of Sunday, 22nd November 2020

પ્રધાનમંત્રી કિસાન સન્‍માન નિધિ યોજનામાં કિસાનોના ખાતામાં ર હજારનો હપ્‍તો આગામી માસમાં જમા થશે : રજીસ્‍ટ્રેશન જરૂરી

નવી દિલ્હીઃ પ્રધાનમંત્રી કિસાન સન્માન નિધિ યોજના  (PM Kisan)નો સાતમો હપ્તો આગામી મહિને લાભાર્થી કિસાનોના બેન્ક ખાતામાં આવી શકે છે. જો તમે યોજના સાથે જોડાયેલી પાત્રતા શરતોને પૂરી કરો છો અને અત્યાર સુધી સ્કીમ માટે રજીસ્ટ્રેશન કરાવ્યું નથી તો રાહ જોયા વગર તત્કાલ રજીસ્ટ્રેશન માટે અરજી કરો. પીએમ કિસાન કેન્દ્ર સરકારની મહત્વકાંક્ષી યોજના છે, તેથી તેના રજીસ્ટ્રેશનને લઈને સ્ટેટસ ચેક સાથે જોડાયેલી બધી સુવિધા કિસાનના પોર્ટલ પર ઉપલબ્ધ છે. તમે PM Kisan મોબાઇલ એપ પરથી રજીસ્ટ્રેશન કરાવી શકો છો.

સ્કીમમાં રજીસ્ટ્રેશન કરાવતા પહેલા તેની પાત્રતા શરતો અને કેટલીક અન્ય વાતોને ધ્યાનમાં રાખવી જરૂરી છે. તેમાં સૌથી મહત્વની વાત છે કે સ્કીમ હેઠળ લાભ પ્રાપ્ત કરવા માટે આધાર કાર્ડ જરૂરી છે. સાથે તે પણ નક્કી કરો કે આધાર કાર્ડની તમામ માહિતી સાચી હોય. યોજનાનો લાભ ેવા લોકોને મળે છે, જેના ખુદના નામ પર જમીન છે. તેનો અર્થ છે કે જો જમીન તમારા પિતા કે દાદાના નામ પર છે તો તમે યોજનાનો લાભ ઉઠાવી શકો નહીં. સરકાર સ્કીમ હેઠળ નાણાકીય રકમ સીધા લાભાર્થીઓના બેન્ક ખાતામાં ટ્રાન્સફર કરે છે તો તમારા નામે બેન્ક એકાઉન્ટ હોવું જોઈએ. સિવાય જો તમે અન્ય પાત્રતા શરતોને પણ પૂરી કરો છો તો સ્કીમ માટે રજીસ્ટ્રેશન કરાવી શકો છો.

(2:17 pm IST)
  • એસિડ એટેકથી પીડાતા અનેક લોકોને વળતર અપાયું નથી: એસિડ એટેક પીડિતોના 1,273 કેસોમાંથી 799 કેસોમાં વળતર ચૂકવવામાં આવ્યું નથી: રાષ્ટ્રીય મહિલા આયોગ access_time 4:51 pm IST

  • પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો : પેટ્રોલિયમ પેદાશોના ભાવમાં ત્રીજા દિવસે પણ વધારો : પેટ્રોલ- ડીઝલના ભાવમાં આજે ત્રીજા દિવસે પણ વધારો થયો છે. : પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો થયો છે. : આ ભાવ વધારો આજે સવારે છ વાગ્યા થી લાગુ થયો છે. access_time 10:35 am IST

  • દિલ્હીમાં આરટી-પીસીઆર ટેસ્ટની સંખ્યા મોટી માત્રામાં વધારી દેવાઈ : પ્રથમ વખત, દિલ્હીમાં કોરોનાના પરીક્ષણ માટેના આધારભૂત ગણાતા "આરટી-પીસીઆર" ટેસ્ટની સંખ્યા રેપીડ એન્ટિજેન ટેસ્ટની સંખ્યાને વટાવી ગઈ છે. access_time 1:32 pm IST