Gujarati News

Gujarati News

News of Thursday, 17th September 2020

ભારતમાં કરવેરાની આવક 22 ટકા ઘટી : બેંગલોરમાં 10 ટકા સરકારને આવક વધી

ચેન્નાઈમાં કર આવક 37 ટકા,દિલ્હીમાં 33 ટકા ઘટી : બેંગ્લોરને આઇટી અને ઇન્ટરનેટ પરના ધંધાનો લાભ મળ્યો

નવી દિલ્હી : મંદી અને લોકઆઉટના કારણે સરકારની કરવેરાની આવકમાં 22.5 ટકાનો ઘટાડો થયો છે. બેંગ્લોર સિવાય દિલ્હી, મુંબઇ, કોલકાતા, ચેન્નાઈમાં કર વસૂલાતમાં મોટો ઘટાડો જોવાયો છે  નાણાકીય વર્ષ 2021ના પહેલા છ મહિનામાં રૂ. 2,53,532 કરોડ ઘટાડો થયો છે. જેમાં કોર્પોરેટ વેરો, આઇ-ટી અને એડવાન્સ ટેક્સ શામેલ છે.

 નાણાકીય વર્ષ 2021 માં 15 સપ્ટેમ્બર સુધીના આ કરવેરા વસૂલવાના આંકડા છે. મુંબઇમાં વેરાની વસૂલાતમાં 13.9 ટકાનો ઘટાડો થયો છે. નાણાકીય વર્ષ 2021 ના પહેલા ભાગમાં કોલકાતામાં વેરાની વસૂલાતમાં 13.9 ટકાનો ઘટાડો થયો છે.

  ચેન્નાઇમાં સમાન સમયગાળા દરમિયાન કરની આવકમાં 37.3 ટકાનો ઘટાડો થયો છે. દિલ્હીમાં કરવેરાની વસૂલાતમાં 33 ટકાનો ઘટાડો થયો છે. કોરોના સમયગાળા દરમિયાન બેંગ્લોર એક અપવાદ રહ્યું છે. નાણાકીય વર્ષ 2021ના પહેલા ભાગમાં બેંગ્લોરમાં કર વસૂલાતમાં વધારો થયો છે. નાણાકીય વર્ષ 2021 ના પહેલા ભાગમાં બેંગ્લોરના કર સંગ્રહમાં 9.9% નો વૃદ્ધિ જોવા મળી છે. નિષ્ણાંતો કહે છે કે બેંગ્લોરને આઈટી હબ બનવાનો આ મોટો ફાયદો છે. કોરોના સમયગાળામાં, બેંગ્લોરને આઇટી અને ઇન્ટરનેટ પરના ધંધાનો લાભ મળ્યો છે.

(12:00 am IST)
  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST