Gujarati News

Gujarati News

News of Wednesday, 16th September 2020

ભારત-ચીન વચ્ચેની વેપાર ખાધ જૂન કવાર્ટરમાં ઘટીને 5.48 અબજ ડોલર થઇ

નિકાસમાં વાર્ષિક તુલનાએ 9 ટકાની વૃદ્ધિ

નવી દિલ્હીઃ ભારત અને ચીન વચ્ચે સરહદે વણસેલા તણાવની અસર બંને દેશો વચ્ચેના વેપાર ઉપર પડી છે. ભારત અને ચીન વચ્ચેની વેપાર ખાધ એપ્રિલથી જૂન 2020 દરમિયાન અડધાથી વધુ ઘટીને 5.48 અબજ ડોલર થઇ છે જે વર્ષ પૂર્વેના સમાન ત્રિમસિકગાળામાં 13.1 અબજ ડોલર હતી. આ માહિતી આજે સંસદમાં રજૂ થઇ હતી.

આજે સંસદમાં લેખિત પ્રત્યુત્તરમાં કેન્દ્રીય વેપાર અને ઉદ્યોગ મંત્રી પિયુષ ગોયલે જણાવ્યુ કે, ભારત અને ચીન વચ્ચેનો દ્વિપક્ષીય વેપાર ચાલુ નાણાંકીય વર્ષ 2020-21ના પ્રથમ ત્રિમાસિક ગાળામાં ઘટીને 16.55 અબજ ડોલર રહ્યો છે. જ્યારે જૂન ક્વાર્ટર 2019માં આ દ્વિપક્ષીય વેપાર 21.42 અબજ ડોલર હતો.

કેન્દ્રીય મંત્રીએ વધુમાં જણાવ્યુ કે, સરકાર ચીન સાથે આપણી નિકાસમાં વધારો કરી અને ચીન પર આપણી આયાત નિર્ભરતા ઘટાડીને ચીન સાથેની આપણા વેપારને સંતુલિત કરવાનો સતત પ્રયાસ કરી રહી છે.

એક અન્ય પ્રશ્નના ઉત્તરમાં તેમણે કહ્યુ કે, સ્પેશિયલ ઇકોનોમિક ઝો (સેઝ)માંથી માલસામાનની નિકાસ એપ્રિલથી ઓગસ્ટ 2020 દરમિયાન ઘટીને રૂ. 81,481 કરોડ નોંધાઇ છે જ્યારે વર્ષ પૂર્વેના સમિક્ષાધીન સમયગાળામાં આ નિકાસ 1,30,129 કરોડ રહી હતી. અલબત્ એપ્રિલથી ઓગસ્ટ 2020 દરમિયાન દેશમાંથી સેવાઓની નિકાસમાં વાર્ષિક તુલનાએ 9 ટકાની વૃદ્ધિ નોંધાઇ છે.

(6:23 pm IST)
  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST