Gujarati News

Gujarati News

News of Wednesday, 16th September 2020

૨૧ સપ્ટેમ્બર પછી પણ ધો.૯ થી ૧૨ માટે શાળાઓ નહિ જ ખુલે

દિવાળી બાદ રાજયમાં કોરોનાની કેવી પરિસ્થિતિ છે તેના આધારે શાળાઓ શરૂ કરવા સંદર્ભે શિક્ષણ વિભાગ વિચારણા કરશે : અનલોક-૪માં શાળાઓ ધો.૯ થી ૧૨ માટે વાલીની સંમતિથી વિદ્યાર્થીઓને બોલાવી શકે એવી મરજીયાત છૂટ કેન્દ્ર સરકારે આપી હતી, તેનો અમલ રાજયમાં કરવામાં આવશે નહિં : કેબીનેટની બેઠકમાં નિર્ણય : ભુપેન્દ્રસિંહ ચુડાસમા

(અશ્વિન વ્યાસ દ્વારા) ગાંધીનગર, તા. ૧૬ : રાજયમાં આગામી ૨૧મી સપ્ટેમ્બરથી શાળાઓ નહિં ખુલે. રાજયના મંત્રીમંડળની બેઠકમાં આ નિર્ણય લેવાયો હોવાનું રાજયના શિક્ષણમંત્રી શ્રી ભુપેન્દ્રસિંહ ચુડાસમાએ જાહેરાત કરી હતી. ગુજરાતમાં દિવાળી બાદ કોરોનાની કેવી પરિસ્થિતિ છે તેના આધારે શાળાઓ શરૂ કરવા સંદર્ભે શિક્ષણ વિભાગ દ્વારા વિચારણા કરવામાં આવશે.

શિક્ષણમંત્રી શ્રી ભુપેન્દ્રસિંહ ચુડાસમાએ જણાવ્યુ હતું કે અનલોક-૪માં શાળાઓ ધો.૯ થી ૧૨ માટે વાલીઓની સંમતિથી વિદ્યાર્થીઓને બોલાવી શકે તેવી મરજીયાત છૂટ કેન્દ્ર સરકારે આપી હતી તેનો અમલ ગુજરાતમાં કરવામાં આવશે નહિં. રાજયની અગ્રીમ હરોળની સ્કુલ સંચાલકોએ એવો પણ દાવો કર્યો હતો કે ૭૦%થી વધુ વાલીઓ પોતાના બાળકોને શાળાએ મોકલવા તૈયાર નથી.

આ અગાઉ કેન્દ્રના સ્વાસ્થ્ય અને પરિવાર કલ્યાણ મંત્રાલય દ્વારા ધો.૯ થી ૧૨ સુધીના અભ્યાસને આંશિક ધોરણે શરૂ કરવા માટે સ્ટાન્ડર્ડ ઓપરેટીંગ પ્રોસીજર જારી કરવામાં આવી હતી. જેના આધારે ૨૧મી સપ્ટેમ્બરથી અભ્યાસ કરવાની મંજૂરી આપવામાં આવી હતી. જો કે કેન્દ્રીય સ્વાસ્થ્ય અને પરિવાર કલ્યાણ મંત્રાલયે એમ પણ કહ્યુ હતું કે શાળાઓ પોતાને ત્યાં અભ્યાસ શરૂ કરવા માટે નિર્ણય લેવા માટે સંપૂર્ણપણે સ્વતંત્ર છે.

દરમિયાન શૈક્ષણિક મહાસંઘની પણ શાળાઓ ખોલવા અંગે ચર્ચા - વિચારણા થઈ હતી. આ બેઠકમાં પણ એવો નિર્ણય લેવાયો હતો કે દિવાળી સુધી શાળાઓ ખુલશે નહિં. દિવાળી બાદ કોરોનાની પરિસ્થિતિને ધ્યાનમાં લઈ શાળા શરૂ કરવા સરકાર દ્વારા વિચારણા કરવામાં આવશે. જો કે શાળાઓ કયારથી શરૂ કરવી તેના અંગે કોઈ દિશાનિર્દેશ આપવામાં આવ્યો નથી.

(3:02 pm IST)
  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST

  • દિલ્હી પ્રદેશ કાર્યાલયમાં 18 લોકોને કોરોના ચેપ લાગ્યો : બે ઓફિસ કર્મચારીઓ અને તેના પરિવારના બાકીના સભ્યો સપડાયા access_time 11:00 pm IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST