Gujarati News

Gujarati News

News of Wednesday, 16th September 2020

સોની વેપારીઓની હાલત કફોડી : ધંધો ઘટીને માત્ર ૧૬%

દિલ્હીમાં વર્ષે ૬ લાખ કરોડનો વેપાર થાય છે તેના બદલે હવે માત્ર ૧ લાખ કરોડનો : વેપારીઓ ટેક્ષમાં રાહત માંગી રહ્યા છે : ટર્નઓવર પર માત્ર એક ટેક્ષ લેવાની માંગણી

નવી દિલ્હી તા. ૧૬ : પાટનગર દિલ્હીમાં સોનાનો ઉદ્યોગ કે ઘરેણા બનાવવાનો વાર્ષિક ૬ લાખ કરોડ રૂપિયાનો વેપાર છે પરંતુ કોરોના મહામારીને કારણે તે ઘટીને માત્ર ૧ લાખ કરોડ રહી ગયો છે.

સોનાના વેપારીઓની આવક છેલ્લા ૪ મહિનાથી સતત ઘટી છે પરંતુ તેઓની ઉપર ખર્ચ અને લોનનો બોજો વધી રહ્યો છે. સોનાનો કારોબાર ઠપ્પ થવાના આરે છે. આ ઉપરાંત તેઓએ વેપારમાં કરોડો રૂપિયાનું રોકાણ કર્યું છે પરંતુ વળતર મળતું નથી.

સોનાના વેપારીઓના જણાવ્યા પ્રમાણે સાર્વજનિક પરિવહન સીમીત સંખ્યામાં છે. મોટાભાગની ટ્રેનો બંધ છે તેથી બીજા રાજ્યોના વેપારી દિલ્હી આવતા નથી. માંડ ૧૦ ટકા કારીગરો સાથે કામ ચાલી રહ્યું છે. વેપારી વર્ગ નુકસાનીમાં છે, જેના પેમેન્ટ ફસાયા છે. પૈસા માગવા મામલે ઝગડા થઇ રહ્યા છે. રોકાણની રકમ ફસાઇ ગઇ છે અને રિર્ટન મળતું નથી. એવામાં ખર્ચ ચાલુ છે જે ધંધાને બચાવવા માટે જરૂરી છે.

વેપારીઓના જણાવ્યા પ્રમાણે વિવિધ સરકારી એજન્સીઓ નિયમો દર્શાવીને કાર્યવાહી કરી રહી છે. અનેક પ્રકારના ટેક્ષ ભરવા પડી રહ્યા છે. સરકારે ફકત એક ટેક્ષ સમગ્ર વર્ષના ટનઓર્વર પર લેવો જોઇએ કે જેથી વેપારીઓને રાહત થાય. વેપારીઓની માંગણી છે કે જ્વેલરી પાર્ક બનવા જોઇએ. ટેક્ષ પ્રક્રિયા સરળ થવી જોઇએ.

(10:27 am IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • બિહારમાં 98 વર્ષની વયે એમએ કરનારા રાજકુમાર વૈશ્યનું નિધન : મુખ્યમંત્રી નીતીશકુમારે શોક વ્યક્ત કર્યો :98 વર્ષની વયે અર્થશાસ્ત્ર વિષયમાં એમએ ની પરીક્ષા આપી પાસ થનાર રાજકુમાર વૈશ્યનું 101 વર્ષની વયે નિધન :તેઓની નામ લિમ્કા બુક ઓફ વર્લ્ડ રોકોર્ડમાં પણ નોંધાયું છે access_time 8:57 am IST

  • ડેવિડ મિલર ધોની પાસે ખાસ ગુણોને શીખવા માગે છે : ધુઆંધાર બેટ્સમેન પણ ધોનીનો દિવાનો : ખાસ કરીને રમતમાં લક્ષ્યનો પીછો કરતી વખતે દબાણનો સામનો કરીને શાંત રહેવાનો ધોનીનો ગુણ શીખવાની ઈચ્છા access_time 3:31 pm IST