Gujarati News

નવી દિલ્હી, તા.૧૬ : દેશની રાજધાની દિલ્હીમાં સુપ્રીમ કોર્ટ બહાર એક મહિલા અને પુરૃષે પોતાને આગને હવાલે કરી દીધા હતા. બંનેને ગંભીર સ્થિતિમાં રામ મનોહર લોહિયા હોસ્પિટલ લઈ જવામાં આવ્યા છે અને પોલીસે આ કેસ અંગેની તપાસ હાથ ધરી છે.

સોમવારે સુપ્રીમ કોર્ટના ગેટ નંબર-ડી સામે એક મહિલા અને પુરૃષે કથિત રીતે પોતાને આગ ચાંપી દીધી હતી. ત્યાર બાદ તે વિસ્તારને કોર્ડન કરી દેવામાં આવ્યો હતો.

એક અહેવાલ પ્રમાણે બંનેએ ગેટ નંબર-ડીથી અંદર ઘૂસવા પ્રયત્ન કર્યો હતો પરંતુ પૂરતા આઈડી ન હોવાના કારણે સુરક્ષા કર્મચારીઓએ તેમને રોકી લીધા હતા. ત્યાર બાદ બંનેએ પોતાની જાતને આગ ચાંપી હતી અને જીવ આપી દેવાનો પ્રયત્ન કર્યો હતો.