Gujarati News

નવી દિલ્હી, તા.૧૪: ગુજરાત ચૂંટણી પહેલા ચૂંટણી રણનીતિકાર પ્રશાંત કિશોર કોંગ્રેસમાં જોડાશે? આ અંગે રાજય એકમમાં સંપૂર્ણ અસમંજસ જોવા મળી રહી છે. ઘણા નેતાઓ કહે છે કે ગ્રામીણ વિસ્તારોમાં પાર્ટી પહેલેથી જ મજબૂત છે અને પીકે શહેરી વિસ્તારોમાં બહુ ફરક નહીં પાડી શકે, જે પરંપરાગત રીતે ભાજપના ગઢ છે. પાર્ટી હાઈકમાન્ડને સંદેશ મોકલવામાં આવ્યો છે કે નિર્ણય પર આવવામાં વધુ વિલંબ પાર્ટીની રણનીતિને અસર કરશે.
રિપોર્ટ અનુસાર, કિશોર નવેમ્બર ૨૦૨૨માં યોજાનારી ગુજરાત ચૂંટણી કરતાં કોંગ્રેસ સાથે ૨૦૨૪ની લોકસભા ચૂંટણીમાં મોટી તક શોધી રહ્યો છે. તે જ સમયે, ગુજરાત કોંગ્રેસના એક વરિષ્ઠ સભ્યએ કહ્યું કે કિશોર પાર્ટી માટે કામ કરવાને લઈને પાર્ટીમાં ૫૦-૫૦ ભાગલા છે. કોંગ્રેસે ૨૦૧૭માં ભાજપને સખત ટક્કર આપી અને ૧૮૨ સભ્યોની રાજય વિધાનસભામાં શાસક પક્ષને બે આંકડા સુધી ઘટાડી દીધો. જો કે, છેલ્લા પાંચ વર્ષમાં કોંગ્રેસના અનેક ધારાસભ્યોએ પક્ષ બદલ્યો છે
ગુજરાત કોંગ્રેસના એક નેતાએ જણાવ્યું હતું કે, કિશોર ગુજરાતમાં કોંગ્રેસને બહુ ફરક નહીં પાડી શકે. ગ્રામીણ વિસ્તારો કોંગ્રેસનો ગઢ છે અને નેતાઓ પણ જાણે છે કે શહેરી વિસ્તારોમાં ભાજપને હરાવવાનું મુશ્કેલ છે. તો 'આટલા પૈસા ખર્ચવાનો શું ફાયદો? કિશોરને બોર્ડમાં લેવા માટે? તે ઉમેદવારોને પ્રચાર અને અન્ય પ્રવૃત્ત્િ।ઓ માટે આપવી જોઈએ. તેનાથી પાર્ટીને વધુ ફાયદો થશે.'
મીડિયા રિપોર્ટ્સ અનુસાર, પાર્ટીના ઘણા નેતાઓએ આગ્રહ કર્યો હતો કે કિશોર પર જલ્દી નિર્ણય લેવામાં આવે. પક્ષનું એક જૂથ કિશોરની સામેલગીરીનું સમર્થન કરે છે. તે કહે છે કે જો તે આવશે, તો અમે જીતીશું. આ રીતે પાર્ટી કાર્યકરોની અપેક્ષાઓ વધી રહી છે. નિર્ણય લેવામાં વિલંબનો અર્થ એ છે કે તે પાયાના કાર્યકરોનું નિરાશ કરશે જેમની આશાઓ આવી ધારણાઓ દ્વારા ઊભી કરવામાં આવી છે.