Gujarati News

મુંબઈ: દહાણુ ખાતે વિદ્યાર્થીઓને લઈ જતી બૉટ પલટી ખાતાં ત્રણ વિદ્યાર્થીઓ મોતને ભેટ્યાં હતાં. સવારે આ ઘટના ઘડ્યા બાદ રાષ્ટ્રપતિ ડૉ. રામનાથ કોવિંદે ટ્વીટ કર્યું હતું કે ઘટનાથી દુ:ખ થયું છે. રાજ્ય સરકારે મોટા ભાગના બાળકોને બચાવી લીધા છે, જે ગુમ થયા છે તેમને શોધવામા આવી રહેલા છે. દુ:ખમાં ડૂબેલા પરિવારો સાથે મારી સંવેદનાઓ છે. ડૉ. કોવિંદ બે દિવસના પ્રવાસે મુંબઈ આવ્યા છે.

મુખ્ય પ્રધાન દેવેન્દ્ર ફડણવીસે પણ સોશિયલ મીડિયા દ્વારા દુ:ખ વ્યક્ત કર્યું હતું. તેમણે ઘટના બાદ તમામ સંબંધિત એજન્સીઓને રાહતકાર્ય માટે આદેશ આપ્યા હોવાનું જણાવ્યું હતું. આ સાથે જે પરિવારોએ પોતાના વહાલસોયા સંતાનો ખોયા છે તેમને સાંત્વના આપી હતી. પવનહંસ પ્લેનક્રેશમાં પણ ઘટનાનો ભોગ બનેલા પરિવારો માટે તેમણે દિલસોજી વ્યક્ત કરી હતી.