News of Saturday, 13th January 2018

બિહારના આશ્રમમાં ત્રણ સાધ્વીઓ પર થયો સામૂહિક બળાત્કાર

પટણા તા. ૧૩ : બિહારના નવાડા જિલ્લામાના એક આશ્રમમાં ત્રણ સાધ્વીઓ પર ગેંગરેપની ઘટના બની છે અને આરોપીઓમાં આશ્રમના સંચાલકનો પણ સમાવેશ છે. સંચાલક અને બીજા આરોપી ફરાર છે. ત્રણે સાધ્વીઓ પર ૨૦૧૭ની ચોથી ડિસેમ્બરે સંત કુટિર આશ્રમના સંચાલક તપસ્યાનંદ અને તેમના ૧૨ જેટલા સાથીઓએ બળાત્કાર કર્યો હતો.

તપસ્યાનંદ પર ઉત્તર પ્રદેશના એક આશ્રમમાં પણ બળાત્કાર કર્યાનો આરોપ છે. ત્યાંથી તે ભાગી છુટયો હતો અને સંત કુટિર આશ્રમમાં તેણે આશ્રય લીધો હતો.

સાત-આઠ વર્ષથી તે આ આશ્રમ ચલાવતો હતો. ઉત્તર પ્રદેશ પોલીસે આશ્રમ પર દરોડો પાડયો હતો, પણ તે ભાગી છુટયો હતો.

(12:52 pm IST)
  • U-19 વર્લ્ડક૫માં ભારતીય ટીમે ઓસ્ટ્રેલિયાને 100 રનથી હરાવ્યું : U-19 વર્લ્ડકપ-2018ના પ્રારંભિક મુકાબલામાં ટીમ ઈન્ડિયાએ ઓસ્ટ્રેલિયાને 100 રનથી હરાવી શાનદાર શરૂઆત કરી છે. રાહુલ દ્રવિડની કોચિંગમાં ભારતીય ટીમે સૌપ્રથમ બેટિંગ કરી નિશ્ચિત 50 ઓવરોમાં 7 વિકેટ ગુમાવી 328 રન બનાવ્યાં હતાં. તો જવાબમાં ઓસ્ટ્રેલિયન ટીમે 42.5 ઓવરોમાં 10 વિકેટ ગુમાવી ફક્ત 228 રન બનાવ્યા છે. access_time 3:24 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છે જ access_time 11:48 am IST

  • ફિલ્મ 'પદ્માવત'ની સત્તાવાર રીલીઝ ડેટ વાયકોમ-18એ જાહેર કરી દીધી છે. ફિલ્મ 25 જાન્યુઆરીના રોજ થિયેટર્સમાં જોવા મળશે. સંજય લીલા ભણસાલીની ફિલ્મ પદ્માવત તમિલ, તેલુગુ અને હિન્દીમાં એમ ત્રણ ભાષાઓમાં રજુ કરાશે. નિર્માતાઓએ નવા શીર્ષક સાથે પદ્માવતનું પોસ્ટર પણ રજુ કર્યું છે. સેન્સરએ પાંચ ફેરફારો સાથે ફિલ્મને "U/A" સર્ટીફીકેટ આપ્યું છે. આ સર્ટીફીકેટ સાથેની ફિલ્મોને એકલા નાના બાળકોને જોવાની મંજૂરી નથી હોતી. access_time 8:08 pm IST