Gujarati News

નવી દિલ્‍હી,તા. ૧૩: ડોલર સામે રૂપિયો રેકોર્ડ નીચી સપાટીએ પહોંચ્‍યો છે હવે સામાન્‍ય જનતાના ખિસ્‍સા પર તેની અસર પડી શકે છે. ઈન્‍ડસ્‍ટ્રીના જાણકારોના મતે આ મહિનાના અંત સુધીમાં અથવા આવતા મહિને જૂનથી ઘરેલું ઉપકરણો અને કન્‍ઝ્‍યુમર ઈલેક્‍ટ્રોનિક્‍સ વસ્‍તુઓ જેવી કે ટેલિવિઝન, વોશિંગ મશીન અને રેફ્રિજરેટર એટલે કે ફ્રીજના ભાવમાં ૩ થી ૫ ટકાનો વધારો થઈ શકે છે.

ઈન્‍ડસ્‍ટ્રીના સૂત્રોના જણાવ્‍યા અનુસાર રૂપિયો નબળો પડવાથી અને મોંઘવારી વધવાને કારણે મેન્‍યુફેક્‍ચરિંગ કોસ્‍ટમાં જબરદસ્‍ત વધારો થયો છે. આની ભરપાઈ કરવા માટે, કંપનીઓ આને ગ્રાહકો સુધી પહોંચાડવાની ફરજ પાડે છે. સૂત્રોના જણાવ્‍યા અનુસાર, યુએસ ડોલર સામે ભારતીય રૂપિયાના અવમૂલ્‍યનથી મેન્‍યુફેક્‍ચરિંગ સમસ્‍યાઓમાં વધારો થયો છે કારણ કે આયાતી ઘટકો મોંઘા થઈ ગયા છે અને ઉદ્યોગ ખૂબ જ મહત્‍વપૂર્ણ ભાગો માટે આયાત પર નિર્ભર છે.

આ સિવાય ચીનમાં કોવિડ-૧૯ના વધતા જતા કેસોને કારણે લાદવામાં આવેલા કડક લોકડાઉનને કારણે ઘણા જહાજો શાંઘાઈ બંદર પર ઉભા છે. આવી સ્‍થિતિમાં પાર્ટસની અછતની સમસ્‍યા વધી છે અને ઉત્‍પાદકોના સ્‍ટોક પર દબાણ વધ્‍યું છે. આવા ઘણા ઉત્‍પાદનો કે જે આયાત પર ખૂબ નિર્ભર છે તે બજારમાંથી ગાયબ છે.

કન્‍ઝ્‍યુમર ઈલેક્‍ટ્રોનિક્‍સ એન્‍ડ ઈક્‍વિપમેન્‍ટ મેન્‍યુફેક્‍ચરર્સ એસોસિએશન (સિમા)એ જણાવ્‍યું હતું કે યુએસ ડોલર સામે રૂપિયાના અવમૂલ્‍યનથી ઉદ્યોગ માટે સમસ્‍યાઓ વધી છે.

સીમાના પ્રમુખ એરિક બ્રેગેન્‍ઝાએ જણાવ્‍યું હતું કે, ઙ્કકાચા માલના ભાવ પહેલેથી જ વધી રહ્યા છે અને હવે યુએસ ડોલર મજબૂત થઈ રહ્યો છે, રૂપિયો નબળો પડી રહ્યો છે, તેથી તમામ ઉત્‍પાદકો ન્‍યૂનતમ નફાની અપેક્ષા રાખે છે. જૂનથી ભાવમાં ત્રણથી પાંચ ટકાનો વધારો થશે. કેટલાક ખ્‍ઘ્‍ ઉત્‍પાદકોએ મે મહિનામાં જ કિંમતોમાં વધારો કર્યો છે, જયારે અન્‍ય આ મહિનાના અંત સુધીમાં અથવા જૂનમાં કિંમતોમાં વધારો કરશે.

પેનાસોનિક ઇન્‍ડિયા અને સાઉથ એશિયાના ચીફ એક્‍ઝિક્‍યુટિવ ઓફિસર (CEO) મનીષ શર્માએ જણાવ્‍યું હતું કે ખર્ચનું દબાણ સતત વધી રહ્યું છે. જોકે, કંપનીનો પ્રયાસ છે કે ગ્રાહકો પર ઓછામાં ઓછી અસર પડે. ‘છેલ્લી વખત કિંમતમાં વધારો જાન્‍યુઆરી ૨૦૨૨ માં કરવામાં આવ્‍યો હતો. જોકે, કોમોડિટીના વધતા ભાવને કારણે વિવિધ ઉત્‍પાદનોના ભાવમાં ચારથી પાંચ ટકાનો વધારો થઈ શકે છે.

હાયર એપ્‍લાયન્‍સીસ ઈન્‍ડિયાના પ્રમુખ સતીશ એનએસએ કહ્યું કે શાંઘાઈમાં લોકડાઉનને કારણે પાર્ટસનો સપ્‍લાય ખોરવાઈ ગયો છે, જેની અસર જૂનથી દેખાવાનું શરૂ થશે. ‘એસી અને ફલેટ-પેનલ ટીવી પર ઘણી અસર પડશે, જયારે રેફ્રિજરેટર્સ પર ઓછી અસર પડશે.'