Gujarati News

મુંબઈ : શેરના ભાવમાં ગેરકાયદેસર વધારો કરવા બદલ  ટેલિગ્રામ ચેનલ, વોટ્સએપ જૂથ પર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા ( SEBI ) એ કોરડો વીંઝ્યો છે. તથા ટેલિગ્રામ ચેનલનું સંચાલન કરતી છ વ્યક્તિઓ, જેમણે ₹2.8 કરોડનો સંચિત નફો કર્યો હોવાનું જણાયું હતું, તેમને સેબી દ્વારા આગળના આદેશો સુધી સિક્યોરિટીઝમાં વ્યવહાર કરવાથી પ્રતિબંધિત કરવામાં આવ્યા છે.

સેબીએ બુધવારે પસાર કરેલા તેના વચગાળાના આદેશમાં જણાવ્યા મુજબ કોઈપણ મોટી તકનીકી નવીનતા તેની સાથે ગેરકાનૂની પ્રવૃત્તિઓ કરવા માટે તેનો ઉપયોગ કરનારા અપરાધીઓ દ્વારા તેના સંભવિત ખોટા ઉપયોગના જોખમો સાથે લાવે છે. તેમ છતાં, સેબીને રોકાણકારોના હિતોનું રક્ષણ કરવાનો આદેશ સોંપવામાં આવ્યો છે તે મૌન રહી શકે નહીં. ગુનેગારો દ્વારા ઉપયોગમાં લેવાતી ટેક્નોલોજીને ધ્યાનમાં લીધા વગર આવા ગુનેગારોને સિક્યોરિટી માર્કેટની દિવાલોથી દૂર રાખવાની જરૂર છે.

ચેનલની પ્રવૃત્તિઓ જુલાઈ અને ઑક્ટોબર 2021 માં નોંધાયેલી બે ફરિયાદો દ્વારા સેબીના ધ્યાન પર લાવવામાં આવી હતી. એવો આક્ષેપ કરવામાં આવ્યો હતો કે સિક્યોરિટીઝ માર્કેટમાં મધ્યસ્થી તરીકે કામ કરવા માટે સેબીમાં નહીં નોંધાયેલ અમુક વ્યક્તિઓ કૃત્રિમ રીતે ટેલિગ્રામ અને ટ્વિટર જેવા સોશિયલ મીડિયા પ્લેટફોર્મનો ઉપયોગ કરી રહી છે. તથા ગેરકાયદેસર નફો મેળવવા માટે શેરના ભાવને પ્રભાવિત કરી રહી છે.આ ફરિયાદોના આધારે, માર્કેટ રેગ્યુલેટરે 1 જાન્યુઆરી, 2021 અને નવેમ્બર 12, 2021 વચ્ચેના સમયગાળા માટે તપાસ હાથ ધરી હતી. જેના આધારે ઉપરોક્ત નિર્ણય લેવાયો હતો તેવું બી.એન્ડ બી.દ્વારા જાણવા મળે છે.