Gujarati News

નવી દિલ્‍હી તા. ૧૩ : દિલ્‍હી હાઈકોર્ટે એક એમિકસ ક્‍યુરી પાસેથી જાણવા માંગ્‍યું હતું કે કેવી રીતે પતિ અને પત્‍ની વચ્‍ચેનો વિશ્વાસનો સંબંધ બે પક્ષો વચ્‍ચેના વિશ્વાસ સાથે સંકળાયેલા કોઈપણ બીજા સંબંધોથી અલગ છે, જયાં એક વ્‍યક્‍તિ દુષ્‍કર્મના આરોપોનો સામનો કરે છે.
કોર્ટે કહ્યું હતું કે આઇપીસીની કલમ ૩૭૫ના અપવાદને ખતમ કરવા માટે એક નિર્ણય લેવા માટે, કોર્ટે બળાત્‍કારના ગુનાને કેવી રીતે વર્ગીકૃત કરવો તેને કઈ રીતે દુષ્‍કર્મની શ્રેણીમાં રાખવો તે અંગેના નિષ્‍કર્ષ પર પહોંચવું પડશે.
જસ્‍ટિસ રાજીવ શકધર અને સી. હરિ. વૈવાહિક બળાત્‍કારને ગુનો જાહેર કરવાની માંગ કરતા કેસની સુનાવણી દરમિયાન શંકરની બેન્‍ચે આ પ્રશ્ન કાનૂની અભિપ્રાય આપવા માટે નિયુક્‍ત કરાયેલા એમિક્‍સ ક્‍યુરી રાજશેખર રાવને પૂછ્‍યો હતો.
ભારતીય આઇપીસીની  કલમ ૩૭૫ માં અપવાદ આપવામાં આવ્‍યો છે, જે ૧૫ વર્ષથી વધુ ઉંમરની પત્‍ની સાથે પતિ દ્વારા બળજબરીથી જાતીય સંબંધને  દ્વારા બળાત્‍કારના ગુનાની શ્રેણીમાંથી બહાર રાખવામાં આવ્‍યો છે.
અગાઉ, એમિકસ ક્‍યુરી અને વરિષ્ઠ વકીલ રાજશેખર રાવે બુધવારે વૈવાહિક બળાત્‍કારને ગુનાહિત કરવાની માંગને સમર્થન આપ્‍યું હતું.
તેમણે બેન્‍ચને આઇપીસીની કલમ ૩૭૫ ના અપવાદને દૂર કરવા વિનંતી કરી હતી. રાવે ખંડપીઠને કહ્યું હતું કે જયાં સુધી કાયદાનો સંબંધ છે, જયારે કોઈ અજાણી વ્‍યક્‍તિ દ્વારા તેના પર જાતીય હુમલો કરવામાં આવે ત્‍યારે મહિલાની સ્‍થિતિ ઘણી સારી હોય છે, પરંતુ જયારે તેનો પતિ તેના પર બળજબરીથી જાતીય હુમલો કરે છે, ત્‍યારે કાયદો કહે છે કે તે આ કૃત્‍યને અયોગ્‍ય કે બળાત્‍કાર કહી શકે નહીં. જે ખરેખર ખોટી બાબત છે.  
સુનાવણી દરમિયાન જસ્‍ટિસ સી. હરિ શંકરે કહ્યું હતું કે ‘તમે વિશ્વાસ અને સંબંધના પાસા પર ચર્ચા કરો છો ત્‍યારે તમારે બે મુદ્દાના જવાબ આપવા પડશે. એક, આ શબ્‍દોનો ઉપયોગ કાયદામાં અપવાદ છે તે ધ્‍યાનમાં રાખીને કરવામાં આવે છે. ઉદાહરણ આપતાં તેમણે કહ્યું કે જયાં શાળાના ચોકીદાર, શિક્ષક કે વિદ્યાર્થી વગેરે વિશ્વાસની શ્રેણી છે તેવા કિસ્‍સામાં વિશ્વાસ, શું તમે કહી શકો કે એવી કોઈ વસ્‍તુ છે કે  જે જાતીય સંબંધોમાં પતિ-પત્‍ની વચ્‍ચેના વિશ્વાસ પર આધાર રાખતી નથી. તેમણે એમિકસ ક્‍યુરીને કહ્યું હતું કે તમારે આનો જવાબ આપવો પડશે.'
ખંડપીઠે કહ્યું હતું કે જયારે કોઈ બાળક અથવા કોઈ વ્‍યક્‍તિની દેખરેખ હેઠળ વિશ્વાસુ સંબંધમાં રહેલો કોઈ પણ વ્‍યક્‍તિ ક્‍યારેય પણ એવી અપેક્ષા પણ ન રાખી શકે કે બીજી વ્‍યક્‍તિ તેની સાથે જાતીય સંબંધ બાંધવાનો પ્રયાસ કરશે. એમ પણ કહ્યું કે અમે ચિંતિત છીએ કે શું પતિ દ્વારા બળજબરીથી સેક્‍સ કરવાને બળાત્‍કારની શ્રેણીમાં રાખીને સજા કરવી જોઈએ.
ખંડપીઠે એમ પણ કહ્યું હતું કે એવું નથી કે કાયદો ઘડતી વખતે ધ્‍યાનમાં લેવાયું હતું કે આવા કેસમાં ફોજદારી સજા ન આપવી જોઈએ, પરંતુ વિધાનસભાએ નિર્ણય લીધો હતો કે તેને બળાત્‍કાર તરીકે ન ગણવો જોઈએ.
ખંડપીઠે કહ્યું કે જો અમારે કલમ ૩૭૫ની આ અપવાદને દૂર કરવો હોય, તો અમારે  નિર્ણય લેવો પડશે કે આ કલમને પણ દુષ્‍કર્મ તરીકે વર્ગીકૃત કરવામાં આવે.