Gujarati News

ભારતમાં કાર્યરત અમેરિકાના કાર્યકારી રાજદૂત અતુલ કેશાપે આરએસએસના વડા મોહન ભાગવત સાથે મુલાકાત કરી હતી.  કેશાપે કહ્યું કે તેમણે ભાગવત સાથે આ બાબતે ફળદાયી વાતચીત કરી કે ભારતની વિવિધતા એક મહાન  તાકાતની સુનિશ્ચિત કરી શકે છે.

મોહન ભાગવતજી સાથે મુલાકાત બાદ કેશપે કહ્યું કે ભાગવતજી સાથે તેમની "અર્થપૂર્ણ વાતચીત" થઈ કે કેવી રીતે ભારતની વિવિધતા, લોકશાહી, સમાવિષ્ટતા અને બહુમતીવાદની પરંપરા વાસ્તવમાં એક મહાન રાષ્ટ્રની તાકાત અને મજબૂતાઈને સુનિશ્ચિત કરી શકે છે.

કેશાપે ટ્વિટ કર્યું અને આ વિગતો જણાવી હતી.  કેશાપે મંગળવારે કોંગ્રેસ નેતા પ્રિયંકા ગાંધી વાડ્રાને પણ મળ્યા હતા.

બેઠક બાદ તેમણે ટ્વિટ કર્યું હતું કે, પ્રિયંકા ગાંધીને મળીને અને અમેરિકા અને ભારતના મિત્રતા અને સહકારના લાંબા ઇતિહાસ પર ચર્ચા કરીને આનંદ થયો.  તેમણે બેઠકનો ફોટો પણ શેર કર્યો હતો, જેમાં બંને પૂર્વ વડાપ્રધાન રાજીવ ગાંધી અને અમેરિકાના ભૂતપૂર્વ રાષ્ટ્રપતિ રોનાલ્ડ રીગનની તસ્વીરની સામે તેઓ ઉભા છે.  યુએસ એમ્બેસીના શ્રી કેશપ છેલ્લા કેટલાક દિવસોમાં ઘણા મહાનુભાવોને મળ્યા હતા, તેમનો કાર્યકાળ પણ ટૂંક સમયમાં સમાપ્ત થઈ રહ્યો છે.

અમેરિકાના રાષ્ટ્રપતિ જો બિડેનના વહીવટીતંત્રે લોસ એન્જલસના મેયર એરિક ગાર્સેટ્ટીને ભારતમાં યુએસના આગામી રાજદૂત તરીકે નામાંકિત કરવાની જાહેરાત કરી દીધી છે.